सुरत : घरकाम करणाऱ्या महिलेने 8 महिन्यांच्या बाळाला (Med Beat Baby In Gujrat ) मारहाण करण्याचा धक्कादायक प्रकार समोर आला असून, हा सर्व प्रकार घरातील सीसीटीव्हीमध्ये (CCTV) कैद झाला आहे. ही घटना गुजरातमधील सूरत (Surat) येथे उघडकीस आली आहे. घटनेनंतर चिमुरड्याला उपचारांसाठी रूग्णालयात ( Hospital) दाखल करण्यात आले आहे. या घटनेबाबत पोलिसांनी माहिती दिली आहे. दरम्यान, या घटनेनंतर पोलिसांनी मारहाण करणाऱ्या महिलेला ताब्यात घेतले आहे.

याबाबत अधिक माहिती अशी की, गुजरात मधील सूरत येथे राहणाऱ्या एका दाम्पत्याला जुळी मुले (Twins Baby ) आहेत. त्यांचा संभाळ करण्यासाठी (Care Taker) या दाम्पत्याने संबंधित महिलेला कामावर ठेवले होते. त्यावेळी या महिलेने 8 महिन्यांच्या बाळाला अमानुषपणे मारहाण केली. दरम्यान, घटनेची माहिती मिळाल्यानंतर पोलिसांनी घरातील सीसीटीव्ही तपासले असता हा धक्कादायक प्रकार समोर आला आहे.

धक्कादायक बाब म्हणजे ही महिला कधी बाळाला मांडीवर घेऊन तर कधी बेडवर आपटत असल्याचे दिसून आले असून, हा सर्व प्रकार जवळपास दीड तास करण्यात आले आहे. महिलेवर कलम 307 आणि 323 अंतर्गत गुन्हा (FIR) दाखल करण्यात आला आहे. कोरोना चाचणी (Covid Test) आल्यानंतर या महिलेला बेड्या ठोकण्यात येणार आहे, अशी माहिती पोलिसांनी दिली आहे.