पंतप्रधान नरेंद्र मोदी ( Pm Narendra Modi) आज देशभरातील जिल्हाधिकाऱ्यांसोबत संवाद साधणार आहेत. आज सकाळी 11 वाजता व्हिडिओ कॉन्फरन्सिंगद्वारे पंतप्रधान सगळ्यांशी संवाद साधतील. ते जिल्ह्यांतील सरकारी योजना (Government scheme) आणि कार्यक्रमांच्या अंमलबजावणीची प्रगती आणि सद्यस्थितीबद्दल जिल्हाधिकारी यांच्याकडून आढावा घेणार आहेत. त्यामुळे या संवादातून सरकारी योजनांची सद्यस्थिती समजणार आहे. तसेच या व्हिडिओ कॉन्फरन्सिंगद्वारे प्रत्येक जिल्ह्यामध्ये कोणत्या समस्या आहेत ते समोर येतील.

देशात कोरोनाने (Corona) कहर केला आहे. वाढत्या कोरोना ससंर्गाबाबत पंतप्रधान मोदींनी वेळोवेळी संवाद साधला आहे. याच साखळीत आता पंतप्रधान जिल्हाधिकाऱ्यांशी बातचीत करणार आहेत. गाव, जिल्हा पातळीवर कोरोनाची परिस्थिती काय आहे याचा आढावा पंतप्रधान नरेंद्र मोदी घेणार आहेत. केंद्राच्या विविध योजना लवकरात लवकर जिल्ह्यापर्यंत पोहोचवण्याचा या संवादाचा उद्देश आहे.