दिल्ली : रिझर्व्ह बँक ऑफ इंडियाने (RBI) ने शुक्रवारी पंजाब आणि महाराष्ट्र सहकारी बँक (PMC Bank) वरील निर्बंध 1 जुलै 2021 पासून 31 डिसेंबर 2021 पर्यंत वाढविले आहेत. पीएमसी बँकेच्या पुनर्रचनेसाठी (reconstruction) वेळ लागेल ही बाब लक्षात घेऊन हे निर्बंध वाढवण्यात आल्याचे आरबीआयकडून सांगण्यात आले आहे. (reserve-bank-extends-restrictions-on-pmc-bank)

सेन्ट्रम फायनान्शियल सर्व्हिसेस लिमिटेड (CFSL) आणि रेझिलिएंट इनोव्हेशन प्रायव्हेट लिमिटेड (BharatPe) कडून देण्यात आलेल्य प्रस्तावावर काळजीपुर्वक विचार केल्यानंतर हा निर्णय घेण्यात आला असल्याचे RBI ने सांगीतले. पीएमसी बँकेच्या पुनर्रचना प्रक्रियेतील सर्व घटकांचा विचार केल्यानंतर ही प्रक्रिया पूर्ण करण्यासाठी लागणारा वेळ लक्षात घेऊन निर्बंध वाढविणे आवश्यक असल्याचे आरबीआयकडून ठरविण्यात आले.

पीएमसी बँकेवर लावण्यात आलेले हे निर्बंध 1 जुलै 2021 ते 31 डिसेंबर 2021 पर्यत वाढवण्यातआले आहेत. दरम्यान गेल्या आठवड्यात रिझर्व्ह बँकेने पीएमसी बँक ताब्यात घेण्याच्या डेकची मंजुरी नॉन-बँक लेंडर सेंट्रम फायनान्शियल सर्व्हिसेस आणि फिनटेक स्टार्टअप भारतपे या कन्सोर्टियमद्वारे दिली. तसेच ऑन-टॅप लायसेन्स देण्याच्या नियमांतर्गत लहान वित्त बँक स्थापन करण्यासाठी केंद्राला तात्विक मान्यता देण्यात आली आहे.

सप्टेंबर 2019 मध्ये आरबीआयने घोटाळ्याच्या चोकशी दरम्यान पीएमसी बँकेवर अनेक कठोर निर्बंध लावले होते. यामध्ये बँकेतून रोख रक्कम काढण्यास देखील निर्बंध घालण्य़ात आले होते. सुरुवातीला रोख रक्कम काढण्यासाठी 1,000 रुपये प्रति खाते प्रत्येक सहा महिने असा नियम ठेवण्यात आला होता, तो गेल्या वर्षी जून महिन्यात शिथिल करुन 100,000 रुपये करण्यात आला.

(reserve-bank-extends-restrictions-on-pmc-bank)