श्रीनगरः जम्मू-काश्मीरमधील शोपियान जिल्ह्यांतील चाकुरा परिसरात जवान आणि दहशतवाद्यांमध्ये झालेल्या चकमकीत दोन दहशतवाद्यांना ठार करण्यात जवानांना यश आले. जवानांनी परिसरात ताब्यात घेतला असून, दहशतवाद्यांचा शोध सुरू आहे.
जम्मू-काश्मीर खोऱ्यात काही दिवसांत दहशतवादी कारवाया वाढत होत्या. जवानांनी राबवलेल्या चार मोहिमांमध्ये 10 दहशतवाद्यांना ठार करण्यात आले आहे. एका दहशतवाद्याने आत्मसमर्पण केले आहे. जवान आणि दहशतवाद्यांमध्ये आज (बुधवार) चकमक झाली. यावेळी दोन दहशतवाद्यांना कंठस्नान घालण्यात जवानांना यश आले.
दरम्यान, दोन दिवसांपूर्वी जवानांकडून लष्कर-ए-तोयबाचा कमांडर सैफुल्ला याला ठार केले होते. सैफुल्लाचा तीन दहशतवादी हल्ल्यात सहभाग होता. ज्यामध्ये सीआरपीएफचे तीन जवान हुतात्मा झाले होते. तर, आत्मसमर्पण केलेला दहशतवादी डोडा येथील रहिवाशी असून, त्याची चौकशी सुरू आहे, अशी माहिती जम्मू-काश्मीरचे डीजीपी दिलबाग सिंग यांनी दिली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.