मुझफ्फरनगर : उत्तर प्रदेशातील मुझफ्फरनगर जिल्ह्यातील पोलिस कर्मचाऱ्याद्वारे एका युवकाला थर्ड डिग्री देतानाचा एक व्हिडीओ व्हायरल झाला आहे. या प्रकरणाचा खुलासा झाल्यानंतर वरिष्ठ पोलिस अधीक्षकाने एका सब इन्स्पेक्टर सहित दोन पोलिस कर्मचाऱ्यांना सस्पेंड केलं आहे. मात्र, भीतीच्या सावटाखाली असलेला पीडितेचा परिवार यावर अधिक बोलू इच्छित नाहीये.
ही घटना मुझफ्फरनगर जिल्ह्यातील शाहपुर ठाणे क्षेत्रातील हरसौली चौकीतील आहे. या चौकीत पोलिस कर्मचाऱ्यांकडून चाउमिनचा गाडा लावणाऱ्या मोमिनला अत्यंत निर्दयीपणे मारण्याचा व्हिडीओ सोशल मीडियावर तुफान व्हायरल होत आहे. या व्हायरल व्हिडीओच्या आधारेच त्या पोलिसावर कारवाई करत एसएसपी अभिषेक यादव यांनी सब इन्स्पेक्टर आणि शिपायाला सस्पेंड केलं आहे. पोलिसांचं असं म्हणणं आहे की, भावा-बहिणींच्या वादानंतर या युवकाला पोलिसांनी चौकीमध्ये आणलं होतं. त्यानंतर त्याला बेदम मारण्यात आलं होतं.
पोलिसांद्वारे चौकीच्या आत या युवकाला अत्यंत निष्ठूरपणे मारतानाचा व्हिडीओ सोशल मीडियावर 2 महिन्यांनंतर व्हायरल झाला आहे. त्यानंतर या पोलिस कर्मचाऱ्यांवर कारवाई करत त्यांना सस्पेंड करण्यात आलं आहे. या प्रकरणाचा अधिक तपास करण्याचे आदेश अतुल श्रीवास्तव यांना देण्यात आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.