नवी दिल्ली : रशियाची राजधानी मॉस्को शहरात आयसिस या दहशतवादी संघटनेनं घडवून आणलेल्या हल्ल्यात ७० जण ठार झाले आहेत. तर ६० जण गंभीर जखमी आहेत. या दहशतवादी हल्ल्याचा पंतप्रधान नरेंद्र मोदी यांनी तीव्र शब्दांत निषेध नोंदवला आहे.

तसेच आम्ही या कठीण प्रसंगात रशियन सरकारच्या सोबत आहोत, असा दिलासाही त्यांनी दिला. (We strongly condemn the heinous terrorist attack in Moscow says PM Narendra Modi)

मोदी म्हणाले, "आम्ही मॉस्कोमधील या हिणकस दहशतवादी हल्ल्याचा तीव्र निषेध करतो. या दुःखाच्या प्रसंगी भारत सरकार रशियन फेडरेशनच्या लोकांसोबत एकजुटीनं उभं आहे" (Latest Marathi News)

मॉस्कोजवळील क्रोकस सिटी हॉलमध्ये एका कार्यक्रमात मास्क घातलेल्या पाच बंदूकधाऱ्यांनी अंदाधुंद गोळीबार केला. इस्लामिक स्टेटच्या दहशतवाद्यांनी या हल्ल्याची जबाबदारी स्विकारली आहे. या हल्ल्यात किमान 60 लोक ठार आणि 145 अधिक जखमी झाले आहेत.