वॉशिंग्टन : युनायटेड स्टेट्समधील इंडियाना स्टेट मॉलच्या (Indiana State Mall) फूड कोर्टमध्ये एका व्यक्तीने केलेल्या अंधाधुंद गोळीबारात (Fairing) तीन जणांचा मृत्यू झाला आहे, तर, दोघे जखमी झाले आहेत. या घटनेत हल्लेखोर मारला गेला आहे, अशी माहिती महापौर (Mayor) मार्क डब्ल्यू मायर्स यांनी दिली आहे. (Indiana Mall Firing News In Marathi)

घटनेच्या वेळी काही लोकांनी आरोपीकडून बंदूक हिसकावण्याचा प्रयत्न करत त्याला पकडण्यात आले. यावेळी एका बंदूकधारी नागरिकांना त्याच्याकडील बंदुकीने या हल्लेखोरावर हल्ला केला त्यात गोळीबार करणारा हल्लेखोर ठार झाल्याचे सांगितले जात आहे. घटनेची माहिती मिळताच सुरक्षा दलांनी परिसरातील सुरक्षा वाढविली असून या प्रकरणाचा तपास सुरू केला आहे.

जुलैच्या पहिल्या आठवड्यातही झाला होता गोळीबार

जुलैच्या पहिल्या आठवड्यातही इंडियानामध्ये गोळीबाराची घटना घडली होती. इंडियानामधील गॅरी सिटीमध्ये एका पार्टीदरम्यान गोळीबार झाला होता. या घटनेत 3 जणांचा मृत्यू झाला होता, तर अनेक जण गंभीर जखमी झाले होते. याशिवाय गेल्या महिन्यात म्हणजेच जूनमध्येही गोळीबाराची घटना समोर आली होती, ज्यामध्ये 2 जणांचा मृत्यू झाला होता.