इस्लामाबाद - ‘तालिबानने (Taliban) अफगाणिस्तानवर (Afghanistan) ताबा मिळविला याचा पाकिस्तानला (Pakistan) आनंद होत आहे. यामुळे अफगाणिस्तानवरील भारताचा (India) प्रभाव (Pressure) कमी होईल, असा भारताबद्दलचा आकस पाकिस्तानच्‍या सैन्यदलाच्या ‘इंटर सर्व्हिसेस पब्लिक रिलेशन्स’चे (आयएसपीआर) मेजर जनरल बाबर इफ्तिकार (Babar Iftikhar) यांनी शुक्रवारी व्यक्त केला.

इतकेच नाही तर अफगाणिस्तानच्या सध्याच्या परिस्थितीला भारतच जबाबदार असल्याचाही दावा केला पाकिस्तानमधील ‘जिओ टीव्ही’ यासंबंधी वृत्त दिले आहे. पाकिस्तान-अफगाणिस्तान सीमेवरील परिस्थिती सामान्य आणि नियंत्रणात आहे. सीमेच्या सुरक्षेसाठी पाकिस्तानने आवश्‍यक उपाययोजना केली असल्याचे सांगून स्वतःचीच पाठ थोपटली. कोणत्याही परिस्थितीला सामोरे जाण्यास पाकिस्तान सज्ज आहे, असे सांगतानाच इफ्तिकार यांनी भारताविरोधात गरळ ओकली. अफगाणिस्तानमध्ये नवे सरकार स्थापन झाल्यावर भारताचा प्रभाव कमी होईल. तेथे जे काही झाले त्यात भारताची भूमिका काय आहे, हे लक्षात घेतले पाहिजे, असे सांगतानाच भारताला अफगाणी लोकांबद्दल बिलकूल प्रेम नाही. इसिस’ आणि तहरीक ए तालिबान पाकिस्तान (टीटीपी) यासारख्या दहशतवादी संघटनांच्या मदतीने पाकिस्तानला धडा शिकविण्याच्या हेतूने त्यांनी त्यांनी अफगाणिस्तानचे नेते व सैन्यदलाच्या मनात विष कालविले आहे, अशीही बाष्कळ विधाने इफ्तिकार यांनी केली.

अमेरिकन सैन्य वापसीवर तुर्कस्तानची टीका

इस्तंबूल - ‘जगात सर्वांत ताकदवान असल्याचा दावा करणाऱ्या देशांनी ते जेथे गेले आहेत, तो प्रदेश सोडताना काळजी घेणे आवश्‍यक आहे. अशा भाग दहशतवाद्यांच्या ताब्यात सोडणे हे अत्यंत धोकादायक आहे,’ अशा शब्दांत तुर्कस्तानचे अध्यक्ष रेसेप तैय्यीप एर्दोगान यांनी अफगाणिस्तानातून सैन्‍य माघारीच्या अमेरिकेच्या निर्णयावर टीका केली. बोस्नियातील सारोजेव्हो येथे शुक्रवारी पत्रकार परिषदेत बोलत होते.