US Presidential Election : अमेरिकेचे माजी राष्ट्राध्यक्ष डोनाल्ड ट्रम्प (Donald Trump) यांनी 2024 च्या राष्ट्राध्यक्ष पदासाठी आपली उमेदवारी जाहीर केलीय. अमेरिकेला पुन्हा महान आणि अभिमानास्पद बनवण्यासाठी मी आज अमेरिकेच्या राष्ट्राध्यक्षपदासाठी माझी उमेदवारी जाहीर करत आहे, असं त्यांनी ट्विट करुन माहिती दिलीय.

डोनाल्ड ट्रम्प फ्लोरिडा येथील मार-ए-लागो रिसॉर्टमधून आपल्या उमेदवारीची घोषणा केलीय. 2020 च्या अध्यक्षीय निवडणुकीत 76 वर्षीय ट्रम्प यांचा 79 वर्षीय जो बायडेन यांच्याकडून पराभव झाला. ट्रम्प आणि त्यांच्या समर्थकांनी निवडणुकीचे निकाल अद्याप स्वीकारलेले नाहीयेत.

त्यांचा मतदारांची फसवणूक केल्याचा आरोप होता. मात्र, निवडणूक अधिकारी आणि न्यायालय दोघांनीही त्यांच्या आरोपांवर विश्वास ठेवला नाही.