India Vs Canada : कॅनडाचे पंतप्रधान जस्टिन ट्रूडो यांनी संसदेत केलेल्या विधानानंतर भारत आणि कॅनडाचे संबंध चांगलेच ताणले गेले असल्याचे पाहायला मिळत आहे. यातच भारतात असलेल्या आपल्या नागरिकांसाठी कॅनडाने एक ट्रेवल एडवाइजरी अपडेट जारी केली आहे

याआधी भारताने कॅनडात राहणाऱ्या आपल्या नागरिकांसाठी अशीच ट्रेवल एडवाइजरी जारी केली होती. कॅनडाने आपल्या नागरिकांना सांगितले आहे की, भारतामध्ये सतर्क आणि सावधान रहा. सोशल मीडियावर कॅनडा विरुद्ध नकारात्मक भावना व्यक्त केला जात असल्याने नागरिकांनी सतर्क राहावे असे कॅनडाचे म्हणणे आहे.

कॅनडामधील ब्रिटिश कोलंबिया येथे 18 जून रोजी 45 वर्षीय खालीस्तानी दहशतवादी नेता हरदीप सिंग निर्जन याची हत्या भारतीय गुप्तचरांनी केली आहे असा आरोप कॅनेडियन पंतप्रधानांनी त्यांच्या संसदेत केला होता. यानंतर भारत आणि कॅनडा यांच्यातले संबंध चांगलेच टोकाला गेल्याचे पाहायला मिळत आहे.

तर दुसरीकडे भारताने हे आरोप अतिशय चुकीचे असल्याचे म्हणत आरोप खारीज केले होते. तर आता कॅनडाने आपल्या नागरिकांसाठी ट्रेवल एडवाइजरी अपडेट जारी केली आहे