मॅक्सिको सिटी- पूर्व मॅक्सिकोमध्ये विमान अपघातात कमीतकमी 6 सैनिकांचा मृत्यू झाल्याची माहिती आहे. अपघात स्थानिक वेळेनुसार रविवारी सकाळी  9:45 वाजता घडला. वर्नाक्रुझ राज्यातील इमालिआनो झापाटा शहरातून जेट विमानाने उड्डाण केले होते. संरक्षण मंत्रालयाने दिलेल्या माहितीनुसार, विमानाने उड्डाण केल्यानंतर ते काही वेळाने जमिनीवर आदळले. विमानाचा बराचसा भाग नष्ट झाला आहे. मात्र, कॉकपीटचा भाग काही प्रमाणात सुरक्षित आहे. 

अमेरिकेत बेछूट गोळीबार; एकाचा मृत्यू, 4 जण जखमी

संरक्षण मंत्रालयाने दिलेल्या माहितीनुसार, रेजिस्ट्रेशन नंबर 3912 असलेल्या  LearJet 45 विमानाचा El Lencero विनातळावरुन उड्डाण केल्यानंतर अपघात झाला. विमान अपघातामागील कारण अद्याप समजू शकलेलं नाही. मृतांमध्ये वैमानिक आणि सह-वैमानिकाचा समावेश आहे. संरक्षण मंत्रालयाने अपघातामागील कारणाचा शोध घेण्यासाठी तज्त्रांची टीम तयार केली असून याप्रकरणी तपास केला जात आहे.