PM Modi Visit To Egypt: अमेरिका दौऱ्यानंतर पंतप्रधान मोदी 24-25 जून रोजी इजिप्तला पोहोचतील. पंतप्रधानांचा इजिप्तचा हा पहिलाच अधिकृत दौरा असेल. इजिप्तचे राष्ट्राध्यक्ष अब्देल फताह अल-सिसी यांच्या निमंत्रणावरून पंतप्रधान मोदी कैरोला जाणार आहेत. कैरोमध्ये पंतप्रधान मोदी अनेक प्रतिष्ठित व्यक्ती आणि भारतीय वंशाच्या लोकांना भेटतील अशी अपेक्षा आहे. मात्र, पंतप्रधान मोदींचा इजिप्त दौरा अमेरिकेसाठी नव्या अडचणी निर्माण करणार असल्याचं म्हटलं जातंय. पण असं का?

खरं तर इजिप्त आता भारताच्या सहकार्याने अशी अनेक पावले उचलणार आहे, ज्याचा थेट परिणाम अमेरिकेवर होणार आहे. जाणून घ्या पंतप्रधान मोदींचा इजिप्त दौरा अमेरिकेसाठी कसा कठीण ठरू शकतो.

इजिप्तची योजना काय आहे?

अलीकडेच इजिप्तने ब्रिक्स देशांच्या सदस्यत्वासाठी अर्ज केला आहे. ब्रिक्स देशांमध्ये ब्राझील, रशिया, भारत, चीन आणि दक्षिण आफ्रिका यांचा समावेश आहे. अमेरिकन डॉलरचे वर्चस्व आणि अवलंबित्व संपवण्यासाठी ब्रिक्स देश त्यांचे स्वतःचे चलन सुरू करण्याचा विचार करत आहेत. आता इजिप्तनेही ब्रिक्स देशांमध्ये सामील होऊन डॉलरला मागे टाकण्याची तयारी केली आहे. ब्रिक्स देश या चलनाच्या माध्यमातून एकमेकांसोबत व्यवसाय करतील.

इजिप्तला अमेरिकन डॉलरवरील आपले अवलंबित्व कमी करायचे आहे आणि त्याच्या चलनासह आंतरराष्ट्रीय स्तरावर व्यापार वाढवायचा आहे. यामुळेच इजिप्त आता वेगाने वाढणारी अर्थव्यवस्था असलेल्या भारतासोबत संबंध दृढ करण्याचा प्रयत्न करत आहे. त्यामुळे पंतप्रधान मोदींचा इजिप्त दौरा त्यांच्यासाठी महत्त्वाचा आहे.

या भेटीदरम्यान, इजिप्त भारतासोबत संरक्षण आणि शिक्षण आणि ब्रिक्स देशांच्या सदस्यत्वाशी संबंधित अनेक मुद्द्यांवर चर्चा करेल. इजिप्त अर्थव्यवस्था सुधारण्यासाठी अनेक पावले उचलण्याच्या तयारीत आहे.

अलीकडच्या काळात इजिप्त आणि ब्रिक्स देशांमधील व्यापार आणि गुंतवणुकीची व्याप्ती वाढली आहे. याकडे तो अर्थव्यवस्थेतील मोठ्या बदलाची सुरुवात म्हणून पाहत आहे. आता ब्रिक्स देशांचे सदस्य बनून त्यांना अर्थव्यवस्था आणखी मजबूत करायची आहे. यासोबतच इजिप्तला ब्रिक्स चलनाद्वारे स्वत:वर अमेरिकन डॉलर अवलंबित्वाचा दबाव कमी करायचा आहे.

काही काळापासून भारत इजिप्तशीही संबंध दृढ करत आहे. पंतप्रधान मोदींनी इजिप्तच्या राष्ट्रपतींना G20 शिखर परिषदेत विशेष पाहुणे म्हणून आमंत्रित केले आहे. यंदा प्रजासत्ताक दिनी इजिप्तच्या राष्ट्रपतींना प्रमुख पाहुणे म्हणून आमंत्रित करण्यात आले होते.

डॉलरवरील अवलंबित्व कसं कमी होणार?

आंतरराष्ट्रीय स्तरावरील डॉलरची मक्तेदारी संपवण्यासाठी ब्रिक्स देश आपापले चलन आणण्याच्या तयारीत आहेत. अशा परिस्थितीत इजिप्तचा पाठिंबा मिळाल्याने त्यांची योजना बळकट होईल आणि अमेरिकेसाठी संकट निर्माण होईल. ब्रिक्स देश आपापसात व्यापारासाठी डॉलरऐवजी ब्रिक्स चलन वापरतील. ब्रिक्समध्ये चीन आणि रशियासारखे देश आहेत ज्यांना डॉलर आवडत नाही. त्यामुळे बंदी घालण्याबरोबरच ते अवलंबित्व कमी करायचे आहे. याला डी-डॉलरायझेशन म्हणतात. असे झाल्यास त्याचा थेट परिणाम अमेरिकेच्या अर्थव्यवस्थेवर होईल.