रशिया आणि युक्रेनमधील युद्धाचा आज २१ वा दिवस आहे. रशियाचे राष्ट्राध्यक्ष व्लादिमीर पुतिन (Vladimir Putin) यांनी अनेक प्रसंगी म्हटले आहे की, युक्रेनने नाटोमध्ये सामील होणे त्यांना आवडत नाही. ज्यामुळे रशियाचे सार्वभौमत्व कमी होते. आता युक्रेनला आपत्तीचा सामना करावा लागत आहे. अशात युक्रेनियन लोकांना हे समजून घेणे आवश्यक आहे की ते नाटोमध्ये सामील होणार नाहीत, असे विधान अध्यक्ष व्होलोदिमिर झेलेन्स्की (Volodymyr Zelensky) यांनी केले आहे.

रशियन (russia) सैन्य हळूहळू युक्रेनच्या भूमीवर कहर करीत आहे. रशियन सैन्य राजधानी किव्हसह अनेक शहरे ताब्यात घेण्यासाठी धडपडत आहे. मात्र, युक्रेनचे सैन्य रशियन सैन्याच्या विरोधात ठामपणे उभे आहे. या युद्धात दोन्ही बाजूंच्या सैन्याचेही मोठे नुकसान झाले. दुसरीकडे युक्रेनचे अध्यक्ष झेलेन्स्की यांनी नाटो आणि पाश्चात्य देशांविरोधात नाराजी व्यक्त केली आहे.

रशियन (russia) मीडिया स्पुतनिकनुसार, झेलेन्स्की यांनी दावा केला आहे की, युक्रेन नाटोमध्ये सामील होणार नाही. नाटो आणि पाश्चात्य देशांवर नाराज असलेले झेलेन्स्की आता नाटोमध्ये सामील होणार नाहीत. यापूर्वी झेलेन्स्की (Volodymyr Zelensky) म्हणाले की, युक्रेनसोबतच्या लढाईत आता १३,००० हून अधिक रशियन सैनिकांचा मृत्यू झाला आहे. याशिवाय रशियाची अनेक अत्याधुनिक शस्त्रेही नष्ट करण्यात आली आहेत.

कॅनडाने राष्ट्राध्यक्ष व्लादिमीर पुतिन (Vladimir Putin) यांच्या युक्रेनवरील (ukraine) हल्ल्याला सहकार्य करणाऱ्या १५ रशियन अधिकाऱ्यांवर निर्बंध जाहीर केले आहेत. मॉस्कोवर दबाव वाढवण्यासाठी हे पाऊल उचलले जात आहे. पुतिन यांनी त्यांचा बेकायदेशीर हल्ला सुरू ठेवण्याचा निर्णय घेतला आहे. रशियन नेतृत्वाने आपली भूमिका बदलली नाही तर कॅनडा पुढील कारवाई करण्यास मागेपुढे पाहणार नाही, असे कॅनडाच्या परराष्ट्र मंत्री मेलानी जॉली यांनी सांगितले.