जळगाव : भुसावळकडून जळगावकडे येणाऱ्या रिक्षाला (Rikshaw) दूरदर्शन टॉवरजवळ रस्ता ओलांडणाऱ्या निलगायने जोरदार धडक (Collision) दिली. अपघातात (Accident) भरधाव रिक्षा उलटून एक जण जागीच ठार झाला तर चार जण गंभीर जखमी झाल्याची घटना रात्री नऊ वाजेच्या सुमारास घडली. जखमींना जिल्हा शासकीय वैद्यकीय महाविद्यालयात (medical College) दाखल करण्यात आले आहे. साबीर सत्तार बागवान (वय ४० रा. जाम मोहल्ला, भुसावळ) असे अपघातात मृत झालेल्या व्यक्तीचे नाव आहे. (1 killed 4 injured in rickshaw accident in Nilgai collision Jalgaon acciddent News)

घटनास्थळावरून मिळालेल्या माहितीनुसार, भुसावळकडून जळगावकडे येणारी रिक्षा (एमएच १९ व्ही ९५२१) येत होती. निलगाय रस्ता ओलांडत असताना ती सुसाट रिक्षावर आदळली. रिक्षात बसलेल्या शाबीर सत्तार बागवान यांना डोक्याला जबर दुखापत झाल्याने जागीच मृत्यू झाला तर रिक्षाचालक मोहम्मद आलम मोहम्मद जान (वय ४८, रा. भुसावळ), बबता कन्हैय्याल बडगुजर (वय ४५, रा. पिंपळगाव, ता. एरंडोल), नसरीनबी चांद बागवान (वय ५५, रा. धुळे) आणि साहिल मकबल बागवान (वय १३, रा. तांबापूरा) असे चौघं गंभीर जखमी झाले आहे.