Jalgaon Dengue News : अयोध्यानगर भागात डेंग्यु आजाराचे रूग्ण आढळले असून, महापालिकेतर्फे परिसरात धूर फवारणी करण्यात आल्याची माहिती नगरसेवक विरेन खडके यांनी दिली. (125 dengue patients found in Ayodhyanagar jalgaon news)

शहरात गेल्या महिन्याभरापासून डेंग्यूचा प्रभाव वाढताना दिसत आहे. आतापर्यंत जवळपास १२३ जणांना डेंग्यूची बाधा झालेली आढळून आलेली आहे. अयोध्यानगरातही आता तब्बल १५ रूग्ण आढळून आल्याची माहिती नगरसेवक खडके यांनी दिली.

ते म्हणाले, आपण अयोध्यानगर परिसरातील सदुगूरूनगर, शांती निकेतन हाऊसिंग सोसायटी, श्रीकृष्णनगर, गोपाळपुरा, यमुनानगर, चिमुकले बालाजी मंदिर, हॉटेल गौरवचा मागील परिसर, पोल फॅक्टरी आदी परिसरात महापालिकेतर्फे धूर फवारणी करण्यात आली आहे.

हेही वाचा : Credit Card फसवणूक....काय घ्याल काळजी?

महापालिका प्रशासनातर्फे रोज अबेटिंग, पाण्यात टाकण्याचे औषध, जंतुनाशक फवारणी आणि डेंग्यू पॉझिटिव्ह असलेल्या परिसरात धूर फवारणी (फॉगिंग) आदी उपाय केले जात आहेत.

डेंग्यूचा प्रसार रोखण्यासाठी सर्वांनी कोरडा दिवस पाळावा, पाणी साठवून ठेऊ नये, घरात कुलर जाळ्या काढून टाकाव्यात, गच्चीतील पाण्याचा निचरा व्यवस्थित करावा, टायर, कुंड्या यात पाणी साचू देऊ नये असे आवाहन महापालिका प्रशासनातर्फे करण्यात आले आहे.