Jalgaon Crime : गावाकडे गेलेले निवृत्त शिक्षक नीना सोनाजी सावळे (वय ६१, रा. संभाजीनगर, गाडगेबाबा चौकाजवळ) यांच्या बंद घरात प्रवेश करून चोरट्यांनी १७ हजार रुपये रोख रकमेसह सोने-चांदीचे दागिने असा एकूण ७० हजार रुपये किमतीचा मुद्देमाल चोरुन नेला.

श्री. सावळे हे १३ सप्टेंबरला कुटुंबीयांसह शेंदुर्णी येथे गेले होते. (70 thousand stolen from retired teachers house jalgaon crime )

दरम्यानच्या काळात चोरट्याने त्यांच्या किचनच्या दरवाजाचा कडी-कोयंडा तोडून घरात प्रवेश करत, वरच्या मजल्यावरील खोलीतून १७ हजार रुपये रोख, २० हजार रुपये किमतीची सोनसाखळी, १० हजार रुपये किमतीची अंगठी, आठ हजार रुपये व दुसरे पाच हजार रुपये किमतीचे सोन्याचे वेढे, पाच हजार रुपये किमतीची चांदीची पैंजण, पाच हजार रुपये किमतीचे चांदीचे ब्रेसलेट असा एकूण ७० हजार रुपये किमतीचा मुद्देमाल चोरुन नेला.

हेही वाचा : Credit Card फसवणूक....काय घ्याल काळजी?

सावळे हे १८ सप्टेंबरला सायंकाळी परत आले असता, ही बाब लक्षात आली. त्यांनी रामानंदनगर पोलिस ठाण्यात दिलेल्या फिर्यादीनुसार गुन्हा दाखल झाला आहे.