जळगाव : कुसुंबा बसस्थानकाजवळ जुन्या भांडणाच्या (Old Quarrel) कारणावरून एका तरुणाला शिवीगाळ करून बिअरच्या बाटली मारुन (Beating) जखमी केल्याची घटना घडली. एमआयडीसी पोलिस ठाण्यात गुन्हा दाखल झाला आहे. (Beating due to old quarrel jalgaon Crime)

जळगाव तालुक्यातील कुसुंबा येथे हर्षल राजेंद्र सोनवणे (वय २२) कुटुंबीयांसह वास्तव्याला आहे. शनिवारी (ता. २) दुपारी १ वाजेच्या सुमारास कुसुंबा येथील बसस्थानकाजवळ उभा असताना जुन्या भांडणाच्या कारणावरून गावातील तुषार कोळी, अमित तडवी, करण व सोन्या (पूर्ण नाव माहित नाही) आणि त्यांच्या सोबत इतर जणांनी हर्षलला अडवून शिवीगाळ केली. प्लास्टिक पाईप, काठी आणि बिअरच्या बाटलीने बेदम मारहाण करून डोक्यावर व चेहऱ्यावर मोठी दुखापत केली. त्याला तातडीने जिल्हा शासकीय वैद्यकीय महाविद्यालयात दाखल करण्यात आले आहे. रात्री ८ वाजता हर्षल सोनवणे यांच्या फिर्यादीवरून एमआयडीसी पोलिस ठाण्यात तुषार कोळी, अमित तडवी, करण व सोन्या (पूर्ण नाव माहित नाही) आणि त्यांच्या सोबत इतर जणांवर गुन्हा दाखल झाला आहे. पुढील तपास पोलिस उपनिरीक्षक अनिस शेख करीत आहे.