Jalgaon News : तालुक्यातील अकरा ग्रामपंचायतींच्या पोटनिवडणुकीसाठी तीन सदस्य बिनविरोध झाले असून, चार जागांसाठी एकही अर्ज प्राप्त झाला नाही तर चार जागांसाठी ११ उमेदवार रिंगणात आहेत. (Gram Panchayat Bypoll Election 11 candidates for 4 seats jalgaon news)

रावेर तालुक्यात ११ ग्रामपंचायतींच्या निवडणुकीसाठी अर्ज दाखल करण्याच्या अखेरच्या दिवस अखेर चार जागांसाठी ११ अर्ज प्राप्त झाले होते. आज छाननीनंतर सर्व अर्ज वैध ठरले.

यामुळे पिंप्री - हतनूरबाई नवाब तडवी, पाडळे बुद्रुक - गुलशेर बुऱ्हाण तडवी, कुसुंबे बुद्रुक -अलिशान दलशेर तडवी हे तिघे बिनविरोध निवडून आले तर तासखेडा, उधळी बुद्रुक, रेभोटा, कोळोदा या चार जागांसाठी एकही अर्ज प्राप्त झाला नाही.

ऐनपूर येथील प्रभाग क्रमांक दोनमधील सर्वसाधारण जागेसाठी खान अकबर समशेर खा, खान सलमान, खान मुस्तफा अब्दुल्ला, रसलपूर येथील प्रभाग क्रमांक पाचसाठी शेख सुलताना बी शेख सलाउद्दीन व रिजवाना बी शेख आरिफ, वाघोड येथील प्रभाग क्रमांक एकमधून सुधाकर देवराम महाजन, प्रकाश धोंडू महाजन, लक्ष्मण हरी पाटील तर निंभोरा बुद्रुक येथील प्रभाग क्रमांक तीन या सर्वसाधारण जागेतून रमेश हरी येवले, घनश्याम बाळकृष्ण खाचणे, हरेश्वर एकनाथ चौधरी यांचे अर्ज दाखल झाले आहेत. आठ मे माघारीची अंतिम तारीख आहे.