Jalgaon News : ज्येष्ठ नेते एकनाथ खडसे यांनी शनिवारी (ता. ६) भाजपत प्रवेश करण्यासंबंधी भूमिका स्पष्ट केली. येत्या काही दिवसांत केंद्रीय नेतृत्वाच्या उपस्थितीत प्रवेश सोहळा होईल. आपण कुठल्याही अटी-शर्तींशिवाय भाजपत जात आहोत, अशी माहिती श्री. खडसे यांनी रविवारी (ता. ७) दिली. राष्ट्रवादी कॉंग्रेसला रामराम ठोकत श्री. खडसे यांनी भाजपत जाण्याचे ठरविले आहे. (Jalgaon Eknath Khadse Entry in BJP party soon in presence of central leadership)

मात्र, त्यांना राष्ट्रवादी कॉंग्रेसच्या कोट्यातून मिळालेल्या विधानपरिषद सदस्यत्वाचा राजीनामा द्यावा लागणार आहे. त्या पार्श्वभूमीवर खडसे यांना विचारले असता, आपण कोणत्याही अटी-शर्तींशिवाय भाजपत प्रवेश करीत आहोत.

गेल्या काही दिवसांत पक्षातील केंद्रीय नेत्यांशी याबाबत चर्चा झाली. केंद्रीय नेतृत्व त्यासाठी सकारात्मक आहे. भाजप हे मी बांधलेले घर आहे. (jalgaon political news)

काही दिवस घरापासून वेगळा झालो होतो. आता पुन्हा घरात परतत आहे, असे ते म्हणाले. येणाऱ्या काही दिवसांत केंद्रीय नेतृत्वाच्या उपस्थितीत आपला प्रवेश होईल. त्यासाठी काही दिवस आणखी वाट पाहावी लागेल, असे त्यांनी स्पष्ट केले.