Jalgaon Municipality News : जळगाव महापालिकेतर्फे मालमत्ता कर भरण्यासाठी ऑनलाइन सुविधा उपलब्ध करून दिलेली आहे. गेल्या तीन वर्षांत नागरिकांनी तब्बल ३९ कोटी ८० लाख ऑनलाइन भरणा केला आहे.

महापालिकेतर्फे नागरिकांना ऑनलाइन भरणा करण्याची सुविधा करण्यात आलेली आहे.(Jalgaon residents have paid 39 crore 80 lakhs online mortgage of municipal corporation jalgaon news)

२०२१-२२ या वर्षी बारा हजार ११० मालमत्ताधारकांनी एकूण ११ कोटी ६० लाख ऑनलाइन भरणा केला. २०२२-२३ या वर्षी तब्बल तेरा हजार तीनशे नागरिकांनी १७ कोटी ५० लाख रुपये ऑनलाइन भरलेत.

या आर्थिक वर्षाचा विचार केला असता २०२३-२४ मध्ये आजपर्यंत दहा हजार चारशे मालमत्ताधारकांनी दहा कोटी ७० लाख ऑनलाइन जमा झाले आहेत. अजून आर्थिक वर्ष संपण्यासाठी साडेतीन महिने बाकी असून, या वर्षी पंधरा हजार मालमत्ताधारक आणि एकूण २० कोटीपर्यंत ऑनलाइन कर भरणा होण्याचा अंदाज आहे.

www.jalgaonmnc.org या वेबसाइटवर जाऊन नागरिक मालमत्ताकराचा ऑनलाइन भरणा करू शकतात. तसेच मनपामार्फत मालमत्ताधारकांना किती रक्कम अभय शास्ती योजनेत माफ होऊ शकतात याचे देखील मोबाईलवर संदेश पाठविण्यात येत आहे. पुढील आर्थिक वर्षात मनपामार्फत प्रत्येक मालमत्तेवर ऑनलाइन भरणा करणे सुलभ व्हावे म्हणून क्यूआर कोड लावण्यात येणार आहे.