जळगाव : राष्ट्रीय महामार्गावर जळगावच्या खोटेनगर स्टॉपजवळ धावत्या कारने अचानक पेट घेतल्याची घटना शनिवारी रात्री घडली. मारवड सरपंच साळूंखे यांच्यासह महामार्गालगत (Highway accident car fire) उभ्या तरुणांनी प्रसंगावधान राखल्याने वेळीच मोठी दुर्घटना टळली अन्‌ सांळूखे कुटूंबीय बालंबाल बचावले. कारमध्ये सरपंच उमेश साळुंखे यांच्यासह कुटूंबातील दोन महिला, एक पुरूष व तीन लहान मुले प्रवास करीत होते. (jalgaon-highway-running-car-fire-in-road-family-safe)

मारवड येथील सरपंच उमेश साळुंखे हे नातेवाईकांसह कार क्रमांक (एम.एच.१९ सी.एफ ६३५५) ने जळगावात आले होते. जळगावातून पुन्हा गावी मारवडकडे निघाले होते. राष्ट्रीय महामार्गाने जात असतांना खोटेनगर स्टॉपजवळ कारच्या समोरील बोनेटमधुन अचानक धुर निघून आग निघू लागली. वेळीच प्रकार लक्षात आल्‍याने उमेश साळुंखे प्रसंगावधान राखत तत्काळ कार रस्त्यालगत थांबवून सर्वांना कारच्या बाहेर काढले. कारपासून सर्व दुर जाताच कारच्या आतही भडका उडाला.

नागरीक मदतीला

याठिकाणी प्रत्यक्षदर्शी विपुल पाटील, किशोर मिस्तरी, प्रथमेश मोरे, विलास मिस्तरी अशांनी मदतीला धाव घेत बोनेट उघडण्याचा प्रयत्न केला. मात्र, ते उघडत नसल्याने कारचे समोरील सर्व हेडलाईट फोडून बोनेट उघडले. समोरच उमा पेंटस्‌ या दुकानावरील बोरींगचा पाईप लावून कारला लागलेली आग विझविली. नेमकी आग कशी लागली हे कळू शकलेली नाही. मात्र, सरपंच उमेश साळूंखे यांनी प्रसंगाधान राखत कार थांबवुन सर्वांना सुखरूप खाली उतरवल्याने पुढील अनर्थ टळला. आगीत कारचे ५०-६० हजारांचे नुकसानाची शक्यता आहे.