Jalgaon Municipal Commissioner : शहरातील विविध भागांतील कामाची गती वाढविण्यासाठी महापालिका आयुक्त आता प्रत्येक दिवशी विभागनिहाय कामांचा आढावा घेणार आहेत.

त्यासाठी त्यांनी प्रत्येक विभागाचे वेळापत्रकही जाहीर केले आहे. (Municipal commissioner dr gaikwad will review work every day jalgaon news)

सोमवार ते शुक्रवारपर्यंत प्रत्येक दिवशी एका विभागाचा आढावा घेण्यात येणार आहे. यात होणारी कामे, प्रलंबित कामे, विविध अनुदानाच्या कामांची माहिती घेण्यात येणार आहे. सकाळी अकरा ते दुपारी एकपर्यंत आयुक्तांच्या दालनाशेजारील सभागृहात ही बैठक होणार आहे.

सोमवार (ता. ७)पासून हा आढावा घेण्यात येणार आहे. सोमवारी आढावा बैठक होईल. त्यात सर्व विभागप्रमुख उपस्थित राहतील.

हेही वाचा : Credit Card फसवणूक....काय घ्याल काळजी?

मंगळवारी (ता. ८) नगररचना विभागाची बैठक होईल. यात नगररचना सहाय्यक व सर्व अभियंते उपस्थित राहतील. बुधवारी (ता. ९) बांधकाम विभाग, पाणीपुरवठा, प्रकल्प विभागाची बैठक होईल.

यात सर्व शाखा अभियंता, कनिष्ठ अभियंता, अधीक्षक, लिपीक उपस्थित राहतील. गुरुवारी (ता. १०) महसूल विभागाच्या उपायुक्तांची बैठक होईल. यात सर्व विभाग अधिकारी, कर अधीक्षक, किरकोळ वसुली अधीक्षक, दिव्यांग, महिला व बालकल्याण अधीक्षक उपस्थित राहतील, तर शुक्रवारी (ता. ११) उपायुक्त आस्थापना विभगााची बैठक होईल. यात अधीक्षक, वरिष्ठ लिपीक व लिपीक उपस्थित राहतील. याच क्रमाने प्रत्येक आठवड्यात बैठक होणार असल्याचे सांगण्यात आले.