सिंधुदुर्ग : बंदिवान महाराष्ट्र करण्याचा ठाकरे सरकारचा प्रयत्न आहे. जन आशीर्वाद यात्रा रोखण्यासाठी जमाव बंदी लागू केली आहे. असा आरोप भाजपचे नेते अशिष शेलार यांनी केला आहे. एका खासगी वृत्तवाहिनीशी बोलताना त्यांनी ही माहिती दिली.

पुढे ते म्हणाले,जमावबंदीचे आदेश हे कोणाला रोखण्यासाठी होते की, राणें वरती प्रेम करणाऱ्या जनतेसाठी होते. जमाबंदी ही राजकीय आहे. आजच्या महाराष्ट्राचे असहिष्णूतेचे जनक हे उद्धव ठाकरे आहेत.ओबीसींच्या आरक्षणासाठी आम्ही कोणाचेही दरवाजे ठोठवू. कोणाच्याही दरवाजावर उभे राहू. ओबीसीला आरक्षण मिळण्यासाठी पक्षविरहित भूमिका देवेंद्र फडणवीस यांनी घेतली त्यांचे कौतुक आहे. आम्ही राजकीय विरोधक आहोत. काही शत्रू नाही. हिंदुस्तान-पाकिस्तानची ही लढाई नाही. विरोधकांचा राजकीय विरोध करू. जनहितासाठी कोणत्याही दरवाजावर उभे राहू, ही भाजपची भूमिका आहे.

सत्तेत बसलेल्या शिवसेनेला स्वतःला संयम, मर्यादा ठेवाव्या लागतील. काही गोष्टी सहनही कराव्या लागतील. म्हणून ते असहिष्णूतेचे जनतेचे जनक आहेत.आम्ही कुणाचे शत्रू नाहीत. राजकीय विरोधक म्हणून शिवसेनेवर सडेतोड टीका करणार. राज्याच्या हितासाठी कोणाच्याही दरवाजावर जाऊ. शिवसेना भाजप फक्त राजकीय विरोधक आहेत. शत्रू नाही. अशी प्रतिक्रिया ठाकरे- फडणवीस यांच्या भेटीवर अशिष शेलार यांनी दिली .

केंद्रीय मंत्री नारायण राणे यांनी काल रत्नागिरीत गौप्यस्फोट केल्यानंतर, जन आशीर्वाद यात्रा रात्री कणकवलीत दाखल झाली. सिंधुदुर्गात जमावबंदीचे आदेश आहेत. मात्र नारायण राणे हे जन आशीर्वाद यात्रा काढण्यावर ठाम आहेत. आज ते काय बोलणार याकडे सर्वांचे लक्ष लागले आहे. काल नारायण राणे यांच्या स्वागतावेळी कणकवलीत जमावबंदीचे उल्लंघन झाले होते.