दापोली (रत्नागिरी) : दापोली तालुक्यातील दाभोळ खाडीत फडबंदर नजीक उभ्या असलेल्या मच्छीमारी बोटीला काल (ता.21) रोजी सायंकाळी 7.30 वाजणेचे सुमारास लागलेल्या आगीत या बोटीचे मोठ्या प्रमाणात नुकसान झाले असून बोटीत असलेल्या एकमेव खलाशाने पाण्यात उडी मारल्याने त्याचा जीव वाचला आहे.
हेही वाचा- .तरच कोरोना शून्य मंडणगड अबाधित ; सुनील तटकरे
याबाबत मिळालेल्या माहितीनुसार
चंद्रकांत शिगवण यांच्या मालकीची मासेमारी बोट काल सायंकाळी दाभोळ खाडीत उभी होती, शिगवण व बोटीवरील खलाशी कल्लू कुमार हे किराणा समान आणण्यासाठी दाभोळ येथे गेले होते तर दुसरा खलाशी नीरज कुमार हा एकटाच बोटीवर होता. सायंकाळी 7.30 ते 8 वाजणेचे सुमारास या बोटीच्या पुढील भागास अचानक आग लागली, वाऱ्यामुळे आगीचा भडका वाढतच गेला, आग लागल्याचे दिसताच खलाशी नीरज कुमार याने खाडीतील पाण्यात उडी मारली, त्यानंतर खाडीतच असलेल्या इतर बोटींमधील खलाशानी ही आग विझविण्याचा प्रयत्न केला व आग लागलेली ही बोट किनाऱ्याजवळ आणली, या आगीत या बोटीचे मोठ्या प्रमाणात नुकसान झाले आहे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.