साडवली (रत्नागिरी): अखंड महाराष्ट्रातील शिवभक्तांचे श्रध्दास्थान असलेल्या श्री क्षेत्र मार्लेश्वरचा वार्षिक यात्रोत्सव यावर्षी कोरोनामुळे रद्द करण्यात आला असल्याची माहिती मार्लेश्वर देवस्थानचे ट्रस्टी सुनील लिंगायत, गिरिजा देवीचे मानकरी बापू शेट्ये, काका शेट्ये,  सोळजाई देवस्थानचे अध्यक्ष बापू गांधी यांनी पत्रकार परिषदेत दिली. यावेळी प्रकाश शिंदे,संतोष लाड,नगरसेवक प्रफुल्ल भुवड उपस्थित होते.

संपुर्ण महाराष्र्टात मार्लेश्वर देवस्थान प्रसिद्घ आहे.संक्रांतीला होणारा कल्याणविधी सोहळा म्हणजे देवाच्या लग्नाला लाखो भाविक वर्‍हाडी म्हणुन उपस्थित रहात असतात.यंदा माञ हे चिञ पहायला मिळणार नसुन शिवहरा शिवहराचा गजर सह्याद्रीच्या कडेकपारीत घुमणार नाही. यावर्षी यात्रोत्सव होणार नसून केवळ धार्मिक विधी ते ही मानकरी आणि निवडक लोंकांच्या उपस्थितीत होणार आहेत. यासाठी भाविकांना बंदी करण्यात आली आहे.

हेही वाचा- एक तास गरमागरम चर्चा झाल्यावर महाविकास आघाडीचे ज्येष्ठ नगरसेवकांनी मांडला ठराव
 
जादा एस टी फेऱ्या किंवा अन्य खासगी वाहनांना प्रवेश बंदी असणार आहे. १३ ते १५ जानेवारी या कालावधीत मार्लेश्वरमधील सर्व दुकाने बंद ठेवण्यात येणार आहेत.  तशी कल्पना त्यांना देण्यात येणार आहे. याची दखल घेऊन भाविकांनी मार्लेश्वरला येउ नये आणि विनाकारण गर्दी करु नये असे आवाहन करण्यात आले आहे.बैठकीत पोलिस उपनिरिक्षक बाइंग आणि किशोर जोशी यांनीही मार्गदर्शन केले. यावेळी साखरपा, देवरुख, मारळ, आंगवली येथील मानकरी व ग्रामस्थ उपस्थित होते.

संपादन- अर्चना बनगे