रत्नागिरी : हरपुटे (ता. संगमेश्वर) येथे विहिरीत पडलेले बिबट्याला वन विभागाने जिवदान दिले. काल रात्री अडीच तास हा बच्यावकार्याचा थरार सुरू होता. बिबट्याला सुखरूप बाहेर काढून नैसर्गिक अधिवासात सोडले.

संगमेश्वर येथे दत्ताराम दाजी कांबळे (रा.मौ. हरपुडे, ता. संगमेश्वर, जि. रत्नागिरी) यांच्या घराच्या मागच्या बाजूस विहिर आहे. काल मध्ये रात्री 9.30 वा. सुमारास बिबट्या पडल्याची बातमी ग्रामस्थांनी भ्रमणध्वनी वरून वनपाल संगमेश्वर (देवरुख) यांनी रात्री 11 वाजता च्या सुमारास दिली. त्यानंतर परिक्षेत्र वन अधिकारी, रत्नागिरी व स्टाफ घटना स्थळी पोहोचुन वस्तुस्थितीची पाहणी केली. बिबट्या विहिरीत पडल्याचे दिसून आले.विहिरी मध्ये पिंजरा सोडून रात्री 1.30 वा. बिबट्यास पिंजऱ्यात घेतले.

पशु वैद्यकीय अधिकारी संगमेश्वर यांचे कडून तपासणी करून बिबट्या सुखरूप असल्याची खात्री करून सदर बिबट्यास सुरक्षित नैसर्गिक अधिवासात सोडण्यात आले. पुढील तपास चालू आहे. सदर कार्यवाही ही मा. विभागीय वन अधिकारी (प्रा.)रत्नागिरी (चिपळूण) दि.पो. खाडे, सहाय्यक वनसंरक्षक (प्रा.)रत्नागिरी (चिपळूण) स. बा. निलख यांचे मार्गदशानाखाली परिक्षेत्र वन अधिकारी, रत्नागिरी,श्रीम. प्रियंका पंढरीनाथ लगड, वनरक्षक साखरपा श्री. न्हानु गावडे, वनरक्षक वन उपज तपासणी नाका साखरपा श्री. संजय रणधीर,वनरक्षक वन उपज तपासणी नाका साखरपा श्री. राहुल गुंठे यांनी पार पाडली.