Konkan : मराठा-कुणबी व कुणबी-मराठा उपलब्ध पुरावे, वंशावळी, शैक्षणिक व महसुली पुरावे विशेष कक्षात २१ ते २४ नोव्हेंबर कालावधीत जमा करावेत, असे आवाहन जिल्हा प्रशासनाने केले आहे.

शासनाच्या ७ सप्टेंबरच्या निर्णयानुसार, मराठा-कुणबी व कुणबी-मराठा जातीचे जात प्रमाणपत्र जिल्ह्यातील पात्र व्यक्तींना देण्याबाबतची कार्यपद्धती विहित करण्यासाठी गठित समितीचे अध्यक्ष न्यायमूर्ती संदीप शिंदे (निवृत्त) यांच्या अध्यक्षतेखाली समिती गठित करण्यात आली आहे.

जिल्ह्यातील नागरिकांनी त्यांच्याकडील उपलब्ध असलेले पुरावे, वंशावळी, शैक्षणिक व महसुली पुरावे, संस्थानिकांनी दिलेल्या सनदा, राष्ट्रीय दस्तावेज इ. जुनी अभिलेखे जिल्हाधिकारी कार्यालयात स्थापित विशेष कक्षात २१ ते २४ नोव्हेंबर २०२३ या कालावधीत जमा करावेत, असे आवाहन करण्यात आले आहे.