३७ ( पान ३ )
-----------
rat२६p३१.jpg -
२४M८००१०
गुहागर महावितरणची वसुली यशस्वीतेबद्दल कर्मचाऱ्यांचा सन्मान.

गुहागर महावितरणची वसुलीत भरारी

शंभर टक्के उद्दिष्ट पूर्ण ; कर्मचाऱ्यांचा सन्मान

सकाळ वृत्तसेवा
गुहागर, ता. २७ : ग्राहकांना उत्तम सेवा देणे व वीज महसूल वसुलीचे १०० टक्के उद्दिष्ट पूर्ण करून यश मिळवल्याबद्दल गुहागर महावितरण उपविभागीय कार्यालयअंतर्गत वीज कर्मचाऱ्यांचा सन्मान वरिष्ठ मान्यवरांच्या हस्ते करण्यात आला. सलग दोन वर्षे गुहागर तालुक्यातील घरगुती, व्यापारी व औद्योगिक थकबाकी शून्य झाली असून, विशेषकरून अशोक मोहिते यांनी यशस्वी प्रयत्न करून कर्मचाऱ्यांना मार्गदर्शन करून ही वसुली मोहीम राबवली. शाखा अभियंता कलशेट्टी, शिंदे, अल्विन, यादव मॅडम, बिलिंग प्रमुख आखाडे लाईनमन तसेच लाईनस्टाफ यांचे या कामी योगदान लाभले.
गुहागर तालुक्यात १ मार्चपासून वसुलीला सुरवात झाली होती. पालशेत विभागातील मुसलोंडी, वाडदई, शृंगारतळी विभागातील वाकी-पिंपळवट, वेळंब-पांगारी व किरवलेवाडी, आबलोली विभागात गोणबरेवाडी, मोहितेवाडी, आंबेरखुर्द या गावांमध्ये वसुलीचे उद्दिष्ट मार्चमध्येच पूर्ण झाले होते. वास्तविक या वसुलीसाठी अधिकारी, कर्मचाऱ्यांनी अथक मेहनत घेतली होती. उर्वरित गावांमध्ये वसुली मोहीम अशोक मोहिते आणि कर्मचाऱ्यांनी सुरू केली होती. अखेर हे वसुलीचे १०० टक्के उद्दिष्ट पूर्ण झाले असून, मोहिते यांनी सर्व कर्मचाऱ्यांचे आभार मानले. या कार्यक्रमामध्ये सर्व कर्मचाऱ्यांनी या वसुलीचे श्रेय अशोक मोहिते यांना दिले.