Babar Azam
Babar Azam esakal
क्रीडा

Babar Azam : मी तर सहन केलं नसतं आफ्रिदी भाई... बाबरचा 'तो' Video ठरतोय चर्चेचा विषय

अनिरुद्ध संकपाळ

Babar Azam Dropped Catch : पाकिस्तान आणि न्यूझीलंड यांच्यातील पहिल्या टी 20 सामन्यात यजमान किवींनी पाकिस्तानी गोलंदाजांची चांगलीच धुलाई केली. न्यूझीलंडने 20 षटकात 8 बाद 226 धावा ठोकल्या. न्यूझीलंडकडून डॅरेल मिचेल (61) आणि कमबॅक करणाऱ्या केन विलियम्सनने (57) अर्धशतकी खेळी केली.

दरम्यान, पाकिस्तानचा माजी कर्णधार बाबर आझमने केन विलियम्सनचा एक सोपा झेल सोडून कर्णधार शाहीन आफ्रिदीची डोकेदुखी अजूनच वाढवली. कारण ज्यावेळी बाबर आझमने केनचा झेल सोडला त्यावेळी त्याने फक्त 2 धावा केल्या होत्या.

बाबर आझमने सोपा झेल सोडल्यानंतर त्याचा व्हिडिओ सध्या सोशल मीडियावर चांगलाच व्हायरल होत आहे. अनेक क्रिकेट चाहते बाबर आझमची खिल्ली उडवत आहेत. जेव्हापासून बाबर आझमचे कर्णधारपद गेलं आहे त्याच्या कामगिरीत ड्रॉप आला आहे.

न्यूझीलंडविरूद्धच्या पहिल्या टी 20 सामन्यात अब्बास आफ्रिदीच्या गोलंदाजीवर केन विलियम्सनने एक फटका हवेत खेळला. हा हवेत गेलेला चेंडू पकडण्याचा प्रयत्न पाकिस्तानचा माजी कर्णधार बाबर आझमने केला. मात्र त्याला सोपा झेल पकडता आला नाही. सोशल मीडियावर तीव्र प्रतिक्रिया उमटल्या.

सामन्याबद्दल बोलायचं झालं तर पाकिस्तानने नाणेफेक जिंकून प्रथम गोलंदाजी करण्याचा निर्णय घेतला. शाहीन आफ्रिदीने पहिल्याच षटकात डेवॉन कॉन्वेला बाद करत मोठा धक्का दिला. मात्र त्यानंतर केन विलियम्सन आणि एलन फिन यांनी 49 धावांची भागीदारी रचली.

फिन बाद झाल्यानंतर विलियम्सन आणि डॅरेल मिचेल यांनी 79 धावांची भागीदारी रचली. विलियम्सनने 57 धावांची खेळी केली तर मिचेलने 27 चेंडूत 61 धावा चोपल्या. यानंतर कॅम्पनने 26 तर ग्लेन फिलिप्सने 19 धावांचे योगदान दिलं. पाकिस्तानकडून शाहीन आफ्रिदीने 46 धावात 3 तर अब्बास आफ्रिदीने 34 धावात 3 विकेट्स घेतल्या.

(Sports Latest News)

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pune Drunk Driving Accident: कल्याणीनगरच्या आपघात प्रकरणी थातूरमातूर कारवाई? पुण्याच्या पोलिस आयुक्तांनी दिलं स्पष्टीकरण

MS Dhoni: 'माझं चेन्नईबरोबरचं नातं...', निवृत्ती घेणार की नाही चर्चेदरम्यान धोनीच्या CSK बद्दलच्या भावना आल्या समोर

Iran President Helicopter Crash : इब्राहिम रईस यांच्या हेलिकॉप्टर दुर्घटनेत खामेनींच्या मुलाचा हात? इराणमध्ये सत्तासंघर्ष पेटणार, जाणून घ्या सविस्तर

Lok Sabha Election 2024 : दिव्यात निवडणूक आयोगाचा भोंगळ कारभार चव्हाट्यावर; मतदारांत तीव्र संताप

Pune Accident : दोन जणांचा जीव घेऊनही आरोपी का सुटला? कायदा काय सांगतो? कायदेतज्ज्ञांनी सांगितल्या तरतुदी

SCROLL FOR NEXT