Cheteshwar Pujara Ranji Trophy 2024 : भारताची भींत म्हणून ओळखला जाणारा चेतेश्वर पुजारा सध्या भारतीय कसोटी संघात नाहीये. मात्र चेतेश्वर पुजाराने रणजी ट्रॉफी 2024 चा हंगाम गाजवत सर्वांचे लक्ष आपल्याकडे वेधले आहे. त्याने नुकतेच प्रथम श्रेणी क्रिकेटमध्ये 20000 धावा पूर्ण केल्या. सुनिल गावसकर, सचिन तेंडुलकर आणि राहुल द्रविड यांच्यानंतर आता चेतेश्वर पुजाराने प्रथम श्रेणी क्रिकेटमध्ये 20000 धावा पूर्ण करण्याचा विक्रम केला आहे.
प्रथम श्रेणी क्रिकेटमध्ये 20,000 पेक्षा जास्त धावा करणाऱ्या भारतीय खेळाडूंमध्ये सुनिल गावसकर, सचिन तेंडुलकर आणि राहुल द्रविड यांच्यानंतर आता चेतेश्वर पुजाराचा समावेश झाला आहे. पुजाराने प्रथम श्रेणी क्रिकेटमध्ये सर्वाधिक द्विशतके ठोकण्याचा विक्रम देखील आपल्या नावावर केला आहे. त्याच्या नावावर आतापर्यंत 17 द्विशतकी खेळींचा समावेश आहे.
सुनिल गावसकर - 25,834 धावा
सचिन तेंडुलकर - 25,396 धावा
राहुल द्रविड - 23,794 धावा
चेतेश्वर पुजारा - 20,013 धावा
चेतेश्वर पुजाराने रणजी ट्रॉफी 2024 च्या तिसऱ्या फेरीतील सामन्यात प्रथम श्रेणी क्रिकेटमधील आपल्या 20000 धावा पूर्ण केल्या. सौराष्ट्रकडून खेळणाऱ्या पुजाराने विदर्भविरूद्धच्या सामन्यात ही कामगिरी केली. त्याने 137 चेंडूत 66 धावांची खेळी केली.
पुजाराने विश्वराजसिंह जडेजासोबत 87 धावांची भागीदारी रचली. मात्र हर्ष दुबेने पुजाराला 66 धावांवर बाद केलं. बाद होण्यापूर्वी चेतेश्वर पुजाराने सौराष्ट्रला चांगल्या स्थितीत पोहचवले.
पहिल्या डावात सौराष्ट्रचा फलंदाज पुजाराने तळातील फलंदाजांना हाताशी घेत दमदार फलंदाजीचं प्रदर्शन केलं. त्याने 105 चेंडूत 43 धावा जोडल्या. त्याने आपल्या खेळीत चार चौकार आणि एक षटकार मारला. यामुळेच सौराष्ट्रने 206 धावा केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.