T20 World Cup 2024, India vs South Africa: भारताने दक्षिण आफ्रिकेचा अंतिम सामन्यात पराभव करून टी-20 वर्ल्ड कप 2024 स्पर्धेचे विजेतेपद पटकावले आहे. यासह भारताने 11 वर्षांनंतर आयसीसी ट्रॉफी, 13 वर्षांनंतर वर्ल्ड कप आणि 17 वर्षांनंतर टी-20 वर्ल्ड कप जिंकला आहे. स्वप्न साकार झाल्याची भावना आणि सर्वत्र निखळ आनंद, टीम इंडियाच्या अभिमानास्पद क्षणाचा मोंटेज.
रोहित शर्माच्या नेतृत्वाखाली भारतीय संघाने T20 विश्वचषक 2024 चे विजेतेपद, गेल्या 11 वर्षांपासून आयसीसी ट्रॉफी, गेल्या 13 वर्षांपासून कोणताही विश्वचषक जिंकला.
टी20 वर्ल्ड कप 2024 स्पर्धेच्या अंतिम सामन्यात टीम इंडियाने दक्षिण आफ्रिकेचा 7 धावांनी पराभव केला. नाणेफेक जिंकून प्रथम फलंदाजी करण्याचा निर्णय घेत भारतीय संघाने विराट कोहलीच्या 76 धावांच्या जोरावर 176 धावा केल्या होत्या.
दक्षिण आफ्रिकेचा संघ विजयाच्या उंबरठ्यावर असताना त्यांना 30 चेंडूत 30 धावांची गरज होती. त्यावेळी भारताची विजयाची शक्यता फक्त 3 टक्के होती. पण अखेरीस हार्दिक पांड्या, जसप्रीत बुमराह आणि अर्शदीप सिंग यांच्या गोलंदाजीच्या जोरावर भारताने रोमांचक सामना जिंकला.
टी-20 वर्ल्ड कप जिंकल्यानंतर टीम इंडियाने मैदानावर जोरदार आनंद साजरा केला. या सेलिब्रेशनदरम्यानचे अनेक क्षण कैद केलेला एक व्हिडिओ बीसीसीआयने शेअर केला आहे.
या सामन्यात भारताने दिलेल्या 177 धावांच्या लक्ष्याचा पाठलाग करताना दक्षिण आफ्रिकेला 8 बाद 169 धाच करता आल्या.
दरम्यान, या सामन्यानंतर भारताचा कर्णधार रोहित शर्मा, स्टार फलंदाज विराट कोहली आणि अष्टपैलू रविंद्र जडेजा यांनी आंतरराष्ट्रीय टी20 क्रिकेटमधून निवृत्ती घेतली. तसेच हा अंतिम सामना राहुल द्रविडचा भारतीय संघाचा प्रशिक्षक म्हणून देखील अखेरचा सामना होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.