Danish Kaneria On Ram Mandir : अयोध्येत बांधण्यात आलेल्या भव्य राम मंदिरात येत्या 22 जानेवारीला रामललाचा अभिषेक केला जाणार आहे. यादरम्यान देशभर उत्साहाचं वातावरण पाहायला मिळत आहे, मंदिराच्या उद्घाटनासाठी देश तर सज्ज झालाच आहे, मात्र पाकिस्तानातून देखील उत्साह दिसून येत आहे. पाकिस्तानचा माजी फिरकीपटू दानिश कनेरियाने अयोध्येत बांधल्या जाणाऱ्या राम मंदिरासंदर्भात सोशल मीडियावर एक पोस्ट टाकली आहे.

अयोध्येतील राम मंदिरच्या अभिषेकासाठी फक्त काही दिवस राहिले आहेत, यादरम्यान पाकिस्तानचा माजी फिरकीपटू दानिश कनेरियाने सोशल मीडियावर लिहिले आहे की, आमचा राजा श्री रामचे भव्य मंदिर तयार आहे. आणि आता फक्त 8 दिवसांची प्रतीक्षा आहे. जय-जय श्री राम.

कनेरियाने या पोस्टसोबत स्वतःचा एक फोटोही शेअर केला आहे. या फोटोत तो भगवा झेंडा घेऊन उभा आहे. ही पोस्ट सध्या सोशल मीडियावर मोठ्या प्रमाणात शेअर केली जात आहे.

दानिश कनेरिया पाकिस्तान क्रिकेट संघात आपल्यासोबत होणाऱ्या भेदभावाबाबत अनेकवेळा सार्वजनिक मंचांवर वक्तव्ये करत आहे. ते सातत्याने भारताच्या समर्थनार्थ बोलत आहेत. अलीकडेच मालदीव आणि भारत यांच्यातील वादाच्या वेळी त्यांनी एक पोस्टही टाकली होती. त्याने फक्त लक्षद्वीप लिहिले आणि फायर इमोजी टाकला. दानिश कनेरिया गेल्या काही काळापासून सातत्याने पीएम मोदींची स्तुती केली आहे.