Ind Vs Afg 2nd T20 : इंदूरमध्ये आज कसे आहे हवामान? सामन्यापूर्वी जाणून घ्या खेळपट्टीचा मूड

India Vs Afghanistan 2nd T20 News : भारत आणि अफगाणिस्तान यांच्यात सुरू असलेल्या तीन सामन्यांच्या टी-20 मालिकेतील दुसरा सामना आज (14 जानेवारी) इंदूरच्या होळकर स्टेडियमवर खेळला जाणार आहे.

रोहित आणि कंपनी हा सामना जिंकून ट्रॉफीवर शिक्कामोर्तब करण्याचा प्रयत्न करेल. त्याचबरोबर विरोधी संघाला हा सामना कोणत्याही किंमतीत जिंकून मालिकेत बरोबरी साधायची आहे. अशा स्थितीत आजचा सामना अतिशय रोमांचक होणार असल्याचे क्रिकेट तज्ज्ञांचे मत आहे. सामन्याआधी इंदूरमध्ये हवामान आणि खेळपट्टीचा मूड कसा आहे हे जाणून घेऊया....

जाणून घेऊया कशी खेळपट्टी -

होळकर स्टेडियमवर आतापर्यंत टी-20 स्वरूपाचे एकूण तीन सामने खेळले गेले आहेत. दरम्यान, प्रथम फलंदाजी करणाऱ्या संघाने दोन सामने जिंकले आहेत, तर दुसऱ्या डावात खेळणारा संघ एकदाच जिंकला आहे.

होळकर मैदान हे फलंदाजांचे नंदनवन मानले जाते. येथील आऊटफिल्ड अतिशय वेगवान आहे, म्हणजेच चेंडू बॅटशी संपर्क साधल्यानंतर तो सरपटत पॅव्हेलियनमध्ये जातो.

होळकर स्टेडियमवर पहिल्या डावाची सरासरी 209 धावांची आहे. या मैदानावर टीम इंडियाने आतापर्यंत एकूण तीन टी-20 सामने खेळले आहेत. येथे त्याने दोन सामने जिंकले आहेत, तर एका सामन्यात पराभवाचा सामना करावा लागला आहे.

जाणून घेऊया कसे आहे हवामान -

हवामान खात्यावर विश्वास ठेवला तर खेळाडूंना आज मोहालीएवढ्या थंडीचा सामना करावा लागणार नाही. होळकर स्टेडियममध्ये हवामान स्वच्छ राहण्याची पूर्ण अपेक्षा आहे. सामना सुरू असताना तापमान 22 अंशांच्या आसपास राहू शकते.

टी-20 मालिकेसाठी भारतीय संघ : रोहित शर्मा (कर्णधार), शुभमन गिल, यशस्वी जैस्वाल, विराट कोहली, तिलक वर्मा, रिंकू सिंग, जितेश शर्मा (यष्टीरक्षक), संजू सॅमसन (यष्टीरक्षक), शिवम दुबे, वॉशिंग्टन सुंदर, अक्षर पटेल, रवी बिश्नोई, कुलदीप यादव, अर्शदीप सिंग, आवेश खान आणि मुकेश कुमार.