Ind vs Aus Shubman Gill WTC Final 2023 : भारतीय युवा स्टार शुभमन गिलने गेल्या काही काळापासून क्रिकेट जगतावर अधिराज्य गाजवले आहे. आयपीएल 2023 मध्ये त्याने 850 हून अधिक धावा केल्या, त्यानंतर तो चर्चेचा विषयही बनला. आयपीएलच्या इतिहासात विराट कोहलीनंतर इतक्या धावा करणारा तो दुसरा फलंदाज ठरला आहे.

पण ऑस्ट्रेलियाविरुद्ध वर्ल्ड टेस्ट चॅम्पियनशिपच्या अंतिम सामन्यात शुभमन गिलची बॅट फ्लॉप ठरली 12 धावांवर क्लीन बोल्ड झाला. शुभमन गिलची ही विकेट भारतासाठी सर्वात धक्कादायक होती.

ऑस्ट्रेलियाविरुद्धच्या वर्ल्ड टेस्ट चॅम्पियनशिपच्या अंतिम सामन्यात शुभमन गिल केवळ 13 धावा करून स्वस्तात पॅव्हेलियनमध्ये परतला होता. शुभमन गिल याआधी उत्कृष्ट फॉर्ममध्ये होता आणि अनेक चाहत्यांनी या महत्त्वपूर्ण सामन्यात भारतासाठी चांगली कामगिरी करण्याची अपेक्षा केली होती. पण सहाव्या षटकात गिलने स्कॉट बोलंडच्या लाईन-लेन्थवर फटकेबाजी केली आणि बोलंडने क्लीन बोल्ड केले. त्याचा व्हिडिओ सोशल मीडियावर चांगलाच व्हायरल होत आहे.

या सामन्याबद्दल बोलायचे झाले तर, प्रथम फलंदाजी करणाऱ्या ऑस्ट्रेलियन संघाने 121.3 षटकात सर्वबाद 469 धावा केल्या. संघासाठी स्टीव्ह स्मिथने 121 आणि ट्रॅव्हिस हेडने 163 धावांची शानदार खेळी केली आहे. तर डेव्हिड वॉर्नरने 43 आणि अॅलेक्स कॅरीने 48 धावा केल्या. त्याचबरोबर सिराजने टीम इंडियासाठी 4 विकेट घेतल्या आहेत.

याशिवाय कर्णधार रोहित शर्मा 15 आणि शुभमन गिल 13 धावा करून पॅव्हेलियनमध्ये परतले आहेत, याशिवाय विराट आणि पुजाराही स्वस्तात बाद झाले आहेत. त्याचवेळी संघाने अवघ्या 151 धावांत 5 विकेट गमावल्या आहेत.