India vs Australia 4th Test : ऑस्ट्रेलिया कसोटी संघाचा नियमित कर्णधार पॅट कमिन्सलाही अहमदाबादमध्ये भारताविरुद्धच्या चौथ्या कसोटीतून वगळण्यात आले आहे. क्रिकेट ऑस्ट्रेलियाने सोमवारी त्याची अधिकृत घोषणा केली.
कमिन्स दिल्लीत खेळल्या गेलेल्या दुसऱ्या कसोटीनंतर मायदेशी परतला. त्याच्या अनुपस्थितीत चौथ्या कसोटीत फक्त स्टीव्ह स्मिथ कांगारू संघाची धुरा सांभाळताना दिसणार आहे.
स्मिथच्या नेतृत्वाखाली ऑस्ट्रेलियाने इंदूरमध्ये भारताचा 9 गडी राखून पराभव केला होता. या चार सामन्यांच्या बॉर्डर गावसकर ट्रॉफी 2023 मध्ये टीम इंडिया 2-1 ने आघाडीवर आहे. या मालिकेतील शेवटचा सामना 9 मार्चपासून अहमदाबादच्या नरेंद्र मोदी स्टेडियमवर खेळल्या जाणार आहे.
भारताविरुद्धच्या चार सामन्यांच्या कसोटी मालिकेनंतर ऑस्ट्रेलियाला तीन सामन्यांची वनडे मालिकाही खेळायची आहे. पॅट कमिन्स या मालिकेत पुनरागमन करू शकेल की नाही याबाबत अद्याप निर्णय झालेला नाही. झी रिचर्डसनच्या रूपाने ऑस्ट्रेलियन संघाला आणखी एक धक्का बसला आहे. गेल्या आठवड्यात क्लब क्रिकेटमध्ये त्याला दुखापत झाली होती, त्यामुळे तो एकदिवसीय मालिकेतून बाहेर पडला आहे. त्याच्या जागी नॅथन एलिसचा संघात समावेश करण्यात आला आहे.
ऑस्ट्रेलिया कसोटी संघ विरुद्ध भारत - उस्मान ख्वाजा, ट्रॅव्हिस हेड, मार्नस लॅबुशेन, स्टीव्हन स्मिथ, पीटर हँड्सकॉम्ब, कॅमेरॉन ग्रीन, अॅलेक्स कॅरी, मिचेल स्टार्क, नॅथन लियॉन, टॉड मर्फी, मॅथ्यू कुहनमन, मिचेल स्वीपसन, मॅट रेनशॉ , स्कॉट बोलँड, लान्स मॉरिस
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.