Virat Kohli returns to India : इंग्लंडविरुद्धची कसोटी मालिका सुरू होण्यापूर्वी मुलाच्या जन्मासाठी परदेशात गेलेला विराट कोहली रविवारी भारतात परतला. आयपीएलसाठी लवकरच तो रॉयल चॅलेंजर्स बंगळूर संघात दाखल होईल. आयपीएल २२ तारखेपासून सुरू होत असून पहिल्याच दिवशी बंगळूरचा सामना गतविजेत्या चेन्नई सुपर किंग्ज संघाविरुद्ध होणार आहे.

खरे तर इंग्लंडविरुद्धची कसोटी मालिका विराट कोहली खेळणार होता. सलामीच्या सामन्यासाठी तो हैदराबादमध्ये दाखलही झाला होता; परंतु अचानक त्याने माघार घेतली. वैयक्तिक कारणासाठी विराट कोहली माघार घेत असल्याचे बीसीसीआयने जाहीर केले होते. त्यामुळे विराटने नेमकी कशामुळे माघार घेतली हे कारण गुपित होते.

विराटने आपल्याला पुत्ररत्न झाल्याचे जाहीर केले. मुलाच्या जन्मानंतरही तो लंडनमध्येच होता. आज रविवारी सकाळी तो मुंबईत दाखल झाला. प्रदीर्घ कालावधीनंतर विराट क्रिकेटच्या मैदानात पुन्हा दिसणार आहे. शानदार कामगिरी करून बंगळूर संघाला अद्याप एकदाही आयपीएल जिंकता आलेली नाही.

रॉयल चॅलेंजर्स बंगळुरूची संपूर्ण टीम -

यष्टिरक्षक : अनुज रावत, दिनेश कार्तिक.

फलंदाज : फाफ डू प्लेसिस (दक्षिण आफ्रिका), फिन ऍलन (न्यूझीलंड), विराट कोहली, रजत पाटीदार, सुयश प्रभुदेसाई, विल जॅक (इंग्लंड).

अष्टपैलू : वानिंदू हसरंगा (श्रीलंका), महिपाल लोमरोर, ग्लेन मॅक्सवेल (ऑस्ट्रेलिया), शाहबाज अहमद, सोनू यादव, मनोज भंडागे.

गोलंदाज : आकाश दीप, जोश हेझलवूड (ऑस्ट्रेलिया), सिद्धार्थ कौल, मोहम्मद सिराज, हर्षल पटेल, कर्ण शर्मा, डेव्हिड विली (इंग्लंड), अविनाश सिंग, राजन कुमार, रीस टोपली (इंग्लंड), हिमांशू शर्मा.