Lakshya Sen All England Open Badminton : भारताचा युवा स्टार शटलर लक्ष्य सेनने ऑल इंग्लंड चॅम्पियनशिपमधील पुरुष एकेरीच्या उपांत्य फेरीत मलेशियाच्या माजी चॅम्पियन ली जी झीचा रोमांचक सामन्यात पराभव केला. आणि थाटात सेमीफायनलमध्ये एट्री मारली. 22 वर्षीय लक्ष्य सेनने पहिल्या गेममध्ये पिछाडीवर पडल्यानंतर शानदार पुनरागमन केले आणि 71 मिनिटांत सामना जिंकून अंतिम-4 मध्ये मारली मारली.

22 वर्षीय लक्ष्य सेनने उपांत्यपूर्व फेरीत झीचा 20-22, 21-16, 21-19 असा पराभव केला. सेमीफायनलमध्ये जागतिक क्रमवारीत 18व्या स्थानी असलेल्या लक्ष्य सेनचा सामना जागतिक क्रमवारीत 9व्या क्रमांकावर असलेल्या इंडोनेशियाच्या जोनाथन क्रिस्टीशी होणार आहे.

लक्ष्य सेन आणि ली जी झी यांच्यातील सामना सुरुवातीपासूनच रोमहर्षक पाहिला मिळाला. लीने नेटमध्ये अनेक चुका केल्याने सेनने पहिल्या गेममध्ये 8-3 अशी आघाडी घेतली. परंतु लीने जोरदार पुनरागमन करत गुणसंख्या 12-12 अशी बरोबरी केली. त्यानंतर दोघांमधील सामना 20-20 असा बरोबरीत सुटला. मलेशियाच्या शटलरने पहिला गेम जिंकला.

दुसऱ्या गेममध्ये सेनने 11-9 अशी आघाडी घेतली आणि नंतर सात गुण मिळवण्यासाठी आपला वेग वाढवला आणि उत्कृष्ट पुनरागमन करत विजयाची नोंद केली. शेवटच्या गेममध्ये सेनने ब्रेकमध्ये 11-8 अशी आघाडी घेतली. आणि सेनने आपली आघाडी जाऊ दिली नाही. मात्र, लीने सलग चार गुण मिळवत गुणसंख्या 15-19 अशी नेली, परंतु त्यानंतर भारतीय शटलरने दोन महत्त्वपूर्ण गुण मिळवत चौथ्यांदा मलेशियाच्या शटलरचा पराभव केला.