US Open 2023 Novak Djokovic : युएस ओपन टेनिस 2023 स्पर्धेत पुरूष एकेरीमध्ये नोव्हाक जोकोविच आणि महिला एकेरीमध्ये इगा स्वियातेक यांनी सरळ सेटमध्ये विजय मिळवत तिसऱ्या फेरीत प्रवेश केला. सामन्यादरम्यान जोकोविच आणि स्वियातेक यांना प्रचंड उकाडा जाणवत होता.
दुसरे मानांकन असलेल्या नोव्हाक जोकोविचने रँकिंगमध्ये 76 व्या स्थानावर असलेल्या स्पेनच्या बर्नाबे जापाटा मिरालेस चा 6-4, 6-1, 6-1 अशा सर सेटमध्ये पराभव केला. तर अव्वल मानांकन असलेल्या पोलंडच्या स्वियातेकने ऑस्ट्रेलियाच्या डारिया साविलेचा 6-3, 6-4 अशा दोन सरळ सेटमध्ये पराभव केला. स्वियातेक ही युएस ओपनची गतविजेती आहे.
सातवे मानांकन प्राप्त स्टेफानोस तित्सिपासला मोठा धक्का बसला. त्याला स्वित्झर्लंडच्या डॉमिनिक स्टिकरने 7-5, 6-7, 6-7, 7-6, 6-3 अशी मात दिली. यापूर्वी अमेरिकेच्या सहाव्या मानांकित कोको गॉफने रशियाच्या 16 वर्षाच्या मीरा आंद्रिवाचा 6-3, 6-2 असा पराभव केला. आता तिचा सामना बेल्जियमच्या 32 वे मानांकन असलेल्या एलिसे मर्टेंससोबत होणार आहे.
पुरूष एकेरीमध्ये रशियाच्या दानिल मेदवेदेवने एक तास 14 मिनिटे चाललेल्या सामन्यात एट्टिला बालाजचा 6-1, 6-1, 6-0 असा पराभव केला. तर महिला एकेरीमध्ये अमेरिकेची अनुभवी विनस विलियम्सला पराभवाचा धक्का बसला. तिला बेल्जियमच्या पात्रता फेरी खेळून आलेल्या ग्रीट मिनेनने 6-1, 6-1 अशा दोन सरळ सेटमध्ये पराभूत केले. विनसचा युएस ओपन ग्रँडस्लॅमधील 100 वा साना होता. त्यात तिचा सहज पराभव झाला. तिने 2000 आणि 2001 मध्ये युएस ओपन जिंकली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.