Misbah Ul Haq prediction on World Cup : भारतात होणारा वनडे वर्ल्डकप 2023 अवघ्या काही महिन्यांवर आला आहे. माध्यमांमध्ये आलेल्या वृत्तानुसार हा वर्ल्डकप ऑक्टोबरमध्ये सुरू होणार आहे. दरम्यान वर्ल्डकपमध्ये कोण दोन संघात फायनल होईल याबाबत भविष्यवाणी केली जात आहेत. पाकिस्तानचा माजी कर्णधार मिसबाह - उल - हक याने देखील एक भविष्यवाणी केली आहे.

मिसाबाह न्यूज 24 स्पोर्ट्सशी बोलत होता. त्यावेळी त्याला वर्ल्डकप बाबत आपले मत विचारण्यात आले. कोणता संघ यावेळी वर्ल्डकप जिंकू शकतो असे विचारले असता त्याने, 'भारत आणि पाकिस्तानच्या चाहत्यांना तर भारत आणि पाकिस्तान यांच्यातच अंतिम सामना व्हावा असे वाटणार. माझं देखील हेच म्हणणं आहे. भारत आणि पाकिस्तान सामना हा सर्वात मोठ्या सामन्यापैकी एक आहे. यामुळे मला वाटते की भारत आणि पाकिस्तान यांच्यात फायनल व्हावी.'

मिसबाह पुढे म्हणाला की, 'तुम्ही कितीही म्हटलं तरी जो संघ चांगला खेळेल तोच संघ फायनलमध्ये पोहचणार आहे. यासाठी लोक 4 वर्षे वर्ल्डकपची वाट पाहत असतात. वर्ल्डकपसाठीच संघ चार वर्ष मेहनत घेत असतात. त्यामुळे जो संघ चांगला खेळेल तोच संघ फायनलमध्ये पोहचेल.'

भारताने नुकतेच आयसीसी WTC Final खेळली. मात्र सलग दुसऱ्यांदा फायनलमध्ये पोहचून देखील त्यांच्या पदरी पराभवच पडला. भारताला गेली 10 वर्षे एकही आयसीसी ट्रॉफी जिंकता आलेली नाही. वर्ल्ड टेस्ट चॅम्पियनशिपमध्ये ऑस्ट्रेलियाने भारताचा 209 धावांनी पराभव केला. आता भारतीय चाहत्यांना मायदेशात होणाऱ्या वनडे वर्ल्डकपमध्ये भारतीय संघाकडून मोठ्या अपेक्षा आहेत.

वनडे वर्ल्डकप 5 ऑक्टोबरपासून सुरू होण्याची शक्यता आहे. भारत आणि पाकिस्तान हे 15 ऑक्टोबरला अहमदाबाद येथे एकमेकांना भिडणार आहेत. वर्ल्डकप 2023 चे संपूर्ण शेड्युल हे काही दिवसातच जाहीर करण्यात येईल.

(Sports Latest News)