लंडन : इंग्लिश प्रिमियर लीगमधील दिग्गज मॅचेस्टर युनायटेडला संघाला वर्षाच्या सुरवातीलाच आर्सेनलकडून पराभव स्वीकारावा लागला आहे. आर्सेनलने 2-0 असा धुव्वा उडविला आहे.

इंग्लिश प्रिमियर लीग या वर्षाच्या सुरवातीलाच साखळी सामन्यात मधल्या फळीतील प्रमुख खेळाडू पॉल पॉग्बा याच्या अनुपस्थितीचा फटका मँचेस्टर युनायटेडला सहन करावा लागला. आर्सेनलने मँचेस्टरची बचावफळी भेदत दोन गोल नोंदविले अन् त्यांना संधीच दिली नाही.

भारताला वर्ल्डकप जिंकून देणाऱ्या 'या' खेळाडूवर एका वर्षाची बंदी

आर्सेनलचा मधल्या फळीतील खेळाडू निकोलस पेप याने 8 व्या मिनिटाला गोल नोंदवत सुरवातीलाच आघाडी मिळविली. त्यानंतर पहिल्या हाफपूर्वी सोक्रॅटीस पापस्थापोलस याने 42 व्या मिनिटाला गोल करत 2-0 अशी आघाडी वाढविली. यानंतर त्यांनी आपला बचाव कायम ठेवत मँचेस्टरला संधीच दिली नाही. या विजयामुळे चँपियन्स लीगच्या गुणतालिकेत आर्सेनलने एक क्रमांक वर जात नववे स्थान मिळविले आहे. तर, मँचेस्टर युनायटेड पाचव्या स्थानावर कायम आहे.

ताज्या बातम्यांसाठी डाऊनलोड करा ई-सकाळचे ऍप