Rohit Sharma : भारताचा कर्णधार रोहित शर्माने तब्बल 14 महिन्यानंतर भारतीय टी 20 संघाची धुरा आपल्या खांद्यावर घेतली. संघात परतल्यानंतर त्याने विक्रमांची मालिकाच सुरू केली आहे. अफगाणिस्तानविरूद्धचा दुसरा टी 20 सामना जिंकून भारताने मालिका खिशात टाकली.

या मालिका विजयाबरोबरच रोहित शर्मा भारताचा सर्वाधिक टी 20 मालिका जिंकणारा कर्णधार ठरला आहे. तसेच रोहित शर्माने महेंद्रसिंह धोनीची देखील बरोबरी केली आहे. रोहित शर्मा आतापर्यंत सर्वाधिक आंतरराष्ट्रीय टी 20 सामने जिंकणारा कर्णधाऱ्यांच्या यादीत धोनीसोबत अव्वल स्थानावर विराजमान झाला आहे.

भारताने दुसऱ्या टी 20 सामन्यात अफगाणिस्तानचा 6 विकेट्सनी पराभव केला. तीन सामन्यांच्या मालिकेतील पहिल्या दोन सामन्यात फलंदाज म्हणून रोहित शर्मा 'शून्य' होता. मात्र कर्णधार म्हणून त्याने विक्रमी कामगिरी केली.

रोहितसोबतच भारताने आजच्या सामन्यात अनेक विक्रम केले आहेत. ते विक्रम पुढील प्रमाणे :

भारताचे जून 2019 पासून मायदेशातील टी 20 मालिकांचे रेकॉर्ड

• खेळलेल्या टी 20 मालिका - 15

• जिंकलेल्या टी 20 मालिका - 13

• बरोबरीत सुटलेल्या टी 20 मालिका - 2

• पराभूत टी 20 मालिका - 0

टी 20 मध्ये अफगाणिस्तानविरूद्ध सर्वात मोठा धावांचा पाठलाग

• 2022 - श्रीलंकेने 176 धावांचे आव्हान केले पार

• 2024 - भारताने 173 धावांचे आव्हान केले पार

• 2022 - आयर्लंडने 169 धावांचे आव्हान केले पार

• 2015 - हाँगकाँगने 163 धावांचे आव्हान केले पार

टी 20 मध्ये अफगाणिस्तानच्या फिरकीपटूंची सर्वोच्च धुलाई

• 2024 - भारत, सरासरी 13.85, 7 षटकात 97 धावा

• 2010 - भारत, सरासरी 10.21, 7.5 षटकात 80 धावा

• 2013 - आयर्लंड, सरासरी 10.18, 11 षटकात 112 धावा

• 2021 - भारत, सरासरी 9.71, 7 षटकात 68 धावा

(Sports Latest News)