शिखर धवन (Shikhar Dhawan) आणि युझवेंद्र चहल (Yuzvendra Chahal) हे भारतीय संघातील सर्वात दंगेखोर आणि चेष्टा मस्करी करण्यात पटाईत असलेले खेळाडू म्हणून ओळखले जातात. त्यांची मैदानावरची तसेच मैदानाबाहेरची देखील 'कामगिरी' कायम चर्चेत असते. शिखर धवन आणि युझवेंद्र चहल हे दोघेही सोशल मीडियावर चांगलेच अॅक्टिव्ह आहेत. या दोघांचेही व्हिडिओ आणि रिल्स व्हायरल होत असतात. सध्या त्यांचा राष्ट्रीय क्रिकेट अॅकेडमीमधील (NCA) महिला कर्मचाऱ्याबरोबरचा (Female Worker) व्हिडिओ व्हायरल (Video Viral) होत आहे.

शिखर धवन आणि युझवेंद्र चहल हे दोघेही सध्या भारताच्या मर्यादित षटकांच्या संघाचा (Indian Cricket Team) एक भाग आहेत. सध्या हे दोघेही एनसीएमध्ये आपल्या फिटनेसवर काम करत आहेत. याचदरम्यान शिखर धवन आणि युझवेंद्र चहलने एनसीएमधील एका महिला कर्मचाऱ्याबरोबर दंगामस्ती केली. या दोघांनी फिटनेस सेशननंतर 'बाबूजी जरा धिरे चलो बिजली खडी यंहा बिजली खडी' या आयटम साँगवर एक व्हिडिओ तयार केला. सध्या हा व्हिडिओ चांगलाच व्हायरल होत आहे.

शिखर धवन आणि युझवेंद्र चहलने भारताच्या वनडे आणि टी 20 संघात नुकतेच पुनरागमन केले आहे. चहलने वेस्ट इंडीज आणि श्रीलंकेविरूद्धच्या मालिकेत आपली चमक दाखवली. तर वेस्ट इंडीज विरूद्धच्या मालिकेनंतर शिखर धवनला विश्रांती देण्यात आली आहे. सध्या भारताचा कसोटी संघ 12 मार्चपासून बंगळुरूमध्ये होणाऱ्या श्रीलंकेविरूद्धच्या दुसऱ्या कसोटी सामन्यासाठी सज्ज होत आहे.