मोह आवर! गावसकरांचा रोहित शर्माला मोलाचा सल्ला | Sakal
sakal

बोलून बातमी शोधा

Sunil Gavaskar And Rohit Sharma

मोह आवर! गावसकरांचा रोहित शर्माला मोलाचा सल्ला

भारतीय क्रिकेट संघाचा कर्णधार रोहित शर्माच्या (Rohit Sharma) भात्यातून निघणारा पुल शॉट पाहण्याजोगा असतो. त्याला स्वत:ला ही हा फटका मारायला खूप आवडते. अनेक सामन्यात त्याने या फटक्यावरच धावांची बरसात केल्याचे पाहायला मिळाले. पण श्रीलंका दौऱ्यात पुल शॉटवर रोहित फसताना दिसतोय. ज्या फटक्यावर तो सहा धावा घेतो तोच फटका मारण्याच्या नादात रोहित विकेट गमावत आहे. यासंदर्भात लिटल मास्टर सुनील गावसकर (Sunil Gavaskar) यांनी त्याला खास सल्ला दिला.

गोलंदाजांना मिळते आयती संधी

सुनील गावसकर यांनी स्टार स्पोर्ट्सशी संवाद साधताना रोहित शर्माच्या फलंदाजी शैलीवर भाष्य केले. जो गोलंदाज मध्यमगती गोलंदाजी करतो त्याला रोहितनं पुल शॉट्सवर चौकार षटकार मारल्याचा काही फरक पडणार नाही. खरंतर ती त्या गोलंदाजासाठी रोहितला बाद करण्याची एक संधी असते. रोहित पुल शॉट्स खेळताना हवेत चेंडू मारतो. त्यामुळे त्याने या शॉटमध्ये सुधारणा करायला हवी. स्वत:वर नियंत्रण ठेवून रोहितने हा फटका खळणं थांबवावे, असा सल्ला सुनील गावसकर यांनी दिला आहे.

हेही वाचा: IND vs SL : शंभर टक्के! दोन वर्षांनी क्रिकेट स्टेडियम गजबजणार

पुल शॉट रोहित गोत्यात येतोय

जर पुल शॉट फायद्याचा वाटत असेल तर त्यांना निश्चित तो खेळावा. पण सध्याच्या घडीला पुल शॉट त्याच्यासाठी धोक्याचा ठरतो. 80 धावा झाल्या की मग त्याने आपल्या भात्यातला फटका मारायला हरकत नाही. पण तोपर्यंत त्याने आपला हा शॉट म्यान करावा, असे गावसकर म्हणाले आहेत.

हेही वाचा: IPL 2020 : यंदा रेकॉर्ड ब्रेक कमाई; BCCI मालामाल

मोहाली कसोटीत रोहित शर्मानं 28 चेडूंत 29 धावा केल्या होत्या. लाहिरू कुमाराने सापळा रचून त्याला बाद केले होते. त्याच्या बॉडी लाइन शॉर्ट लेंथ चेंडूवर रोहितने पुल शॉट मारला. पण तो लकमलच्या हाती झेल गेला होता. बंगळुरुच्या सामन्यात रोहित गावसकरांचा सल्ला ऐकणार का? हे पाहणे महत्त्वाचे ठरेल.

Web Title: Ind Vs Sl Sunil Gavaskar Advice To Rohit Sharma For Playing Pull Shot

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top