केस कोरडे होणे आणि केसगळतीची समस्या आजकाल खूप सामान्य झाली आहे. महिलांसोबतच आता पुरुषांमध्ये ही केसांच्या समस्या वाढल्या आहेत. हिवाळ्याच्या दिवसांमध्ये तर केस कोरडे होण्याची समस्या मोठ्या प्रमाणात वाढते.

हिवाळ्यामध्ये केसांची विशेष काळजी घेणे, महत्वाचे असते. या दिवसांमध्ये केसगळती आणि केस कोरडे होण्याची समस्या वाढते. त्यासाठी केसांना तेल लावणे गरजेचे आहे. तेलामुळे केसांना मजबूती मिळते आणि आवश्यक पोषकतत्वे ही मिळतात.

आज आम्ही तुम्हाला कॉम्बिनेशन ऑईल्सबद्दल सांगणार आहोत. कॉम्बिनेशन ऑईल्स अर्थात काही तेल आणि इतर घटक किंवा तेलांसोबतचे मिक्स कॉम्बिनेशन. जे केसांना अनेक समस्यांपासून दूर ठेवण्याचे काम करतात.

बदामाचे तेल आणि टी ट्री ऑईल

केसांसाठी आणि त्वचेसाठी बदामाचे तेल अतिशय फायदेशीर आहे. बदामाच्या तेलामुळे केसांना छान चमक येते. बदामामध्ये भरपूर प्रमाणात पोषकघटकांचा समावेश आढळतो. या घटकांमुळे केस खराब होण्यापासून केसांचा बचाव होतो.

टीट्री ऑईल अर्थात चहाच्या झाडामध्ये दाहक-विरोधी गुणधर्म आढळतात. यामुळे केसांमधील कोंडा दूर होण्यास मदत मिळते. त्यामुळे, ही दोन्ही तेल एकत्र मिक्स करूनही केसांना लावू शकता. या दोन्ही तेलांच्या मिश्रणामुळे केसगळतीची आणि कोंड्याची समस्या दूर होण्यास मदत मिळू शकेल.

कढीपत्ता आणि नारळाचे तेल

कढीपत्ता हा आपल्या आरोग्यासाठी आणि केसांसाठी अतिशय फायदेशीर आहे. कढीपत्यामध्ये असलेल्या गुणधर्मांमुळे केस गळतीचे प्रमाण आणि केस पांढरे होण्याची समस्या कमी होण्यास मदत मिळते.

कढीपत्याची काही पाने उन्हात वाळवून घ्या. त्यानंतर, नारळाचे तेल गरम करा आणि त्यात कढीपत्याची पाने घालून तेल चांगले उकळून घ्या. नंतर तेलाने केसांना मसाज करा.

कडुलिंब आणि बदामाचे तेल

कडुलिंब ही अतिशय औषधी वनस्पती आहे. कडुलिंबाचे आपल्या आरोग्याला भरपूर फायदे होतात. परंतु, आरोग्यासोबतच कडुलिंब केसांसाठी आणि त्वचेसाठी देखील तितकेच फायदेशीर आहे. कडुलिंबामध्ये अँटी-फंगल आणि अँटी-इंफ्लेमेंटरी गुणधर्म असतात. ज्यामुळे, केसगळतीची समस्या दूर होण्यास मदत होते.

बदामाच्या तेलामध्ये तर भरपूर प्रमाणात पोषकघटक आढळून येतात. त्यामुळे, बदाम तेल आणि कडुलिंब एकत्र आल्यावर केसांना छान पोषण मिळते.

कडुलिंबाच्या तेलाचे ५-६ थेंब हे बदामाच्या तेलात मिसळा आणि या तेलाने केसांना छान मसाज करा.