राष्ट्रवादी काँग्रेसचे नेते व राज्याचे विरोधी पक्षनेते अजित पवार गेल्या काही दिवसांपासून भाजपासोबत जाणार असल्याच्या चर्चा आहे. त्यांच्यासोबत राष्ट्रवादीचे ४० आमदारही जाणार असल्याचं बोललं जात आहे. अशातच शिंदे - फडणवीसांसोबत पवार बॅनरवर झळकले आहेत.
अजित पवारांनी पत्रकारांशी बोलताना आपण जीवात जीव असेपर्यंत राष्ट्रवादीतच राहणार आहे, असं स्पष्टही केलं. मात्र तरीही या चर्चा थांबण्याचं नाव घेईना. अशातच आता हा बॅनर चर्चेत आला आहे. शिवसेना भाजपा राष्ट्रवादी एकत्र लढणार अशा आशयाचा हा बॅनर आहे.
जळगाव जिल्ह्यातल्या धरणगाव बाजार समितीच्या निवडणुकीची सध्या जोरदार तयारी सुरू आहे. या निवडणुकीमध्ये शिवसेना व भाजपासोबत संजय पवार यांचा राष्ट्रवादी गटही निवडणूक लढवणार आहे. यासाठीच्या प्रचारादरम्यान मुख्यमंत्री एकनाथ शिंदे, देवेंद्र फडणवीस यांच्यासह अजित पवारांचा फोटो झळकला आहे.
अजित पवारांच्या भाजपासोबत जाण्याच्या चर्चा सुरू असतानाच असे बॅनर्स लागल्याने आता या चर्चांना आणखी हवा मिळाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.