आज जागतिक महिला दिनानिमित्त विविध क्षेत्रात काम करणाऱ्या महिलांचे कौतुक केले जाते. आजची आधुनिक स्त्री ही पुरुषांच्या खांद्याला खांदा लावून काम करते म्हणून तिचा गौरव केला जातो. दरम्यान, राजकीय क्षेत्रातील कर्तुत्ववान महिलांचा सन्मानही केला जातो. मात्र या सगळ्यात आता एक वेगळी बातमी समोर येत आहे. भाजपाचे आमदार अतुल भातखळकर (Atul Bhatkhalkar) यांनी यासंदर्भात एक ट्विट केलं आहे. यात त्यांनी खासदार सुप्रिया सुळे यांना टोला लगावला आहे.

खासदार सुप्रिया सुळे (Supriya Sule) यांचा बैलगाडी हाकतानाचा एक फोटो सध्या सोशल मीडियावर व्हायरल होत आहे. यावरून भातखळकर यांनी त्यांना चिमटा काढला आहे. ते म्हणतात, समृद्ध कृषी परंपरा, एकरात कोटी कोटींची वांगी पिकवणारी महिला, असा टोला लगावला आहे.

दरम्यान, आजच्या दिवशी भाजपाने सत्ताधारी गटातील खासदार किंवा आमदार महिलांवर खोचक टीका केली असल्यानं प्रतिक्रिया येत आहेत. आता त्यांच्या या ट्विटला सुप्रिया सुळे काय उत्तर देणार याकडे सर्वांचे लक्ष लागले आहे.