मुंबईः अयोध्येमध्ये २२ तारखेला नवीन राम मंदिराचं उद्घाटन आणि रामलल्लाच्या मूर्तीची प्रतिष्ठापना होणार आहे. या सोहळ्यासाठी उद्धव ठाकरेंना राम जन्मभूमी ट्रस्टकडून निमंत्रण पाठवण्यात आलेलं आहे.

काँग्रेस नेत्यांनी आणि इंडिया आघाडीतील पक्षांनी अयोध्येतील सोहळ्याला जाणार नसल्याचं जाहीर केलं आहे. त्यामुळे उद्धव ठाकरे काय निर्णय घेतात, याकडे सर्वांचं लक्ष लागून राहिलेलं आहे.

बाबरी मशीद पतनावेळी शिवसैनिकांची भूमिका महत्त्वाची होती, असं उद्धव ठाकरे वारंवार सांगतात. आता राम मंदिर उभारलं असताना आणि सोमवारी रामलल्लाच्या मूर्तीची प्राणप्रतिष्ठा होत असताना ठाकरे गट काय निर्णय घेणार? हे पाहाणं महत्त्वाचं आहे.

उद्धव ठाकरे यांना राम जन्मभूमी ट्रस्टच्या वतीने निमंत्रण मिळाल्याची माहिती येत आहे. उद्धव ठाकरेंचा त्याच दिवशी नाशिक दौरा आहे. ते काळाराम मंदिरात जाणार आहेत. त्यामुळे ते निमंत्रण स्वीकारतात की प्रतिनिधी पाठवतात, हे कळेलच.