मुंबईः राज्याचे उद्योगमंत्री उदय सामंत यांनी माध्यमांशी संवाद साधून एक ते दोन दिवसांमध्ये मंत्रिमंडळ विस्तार होईल, अशी शक्यता बोलून दाखवली आहे. त्यानंतर त्यांनी शिंदे गटातल्या आमदारांबाबत एक विधान करुन चर्चा घडवून आणली.
उदय सामंत म्हणाले की, उद्योगरत्न पुरस्कारासंबंधी चर्चा करण्यासाठी वर्षा बंगल्यावर गेलो होतो. दोन्ही पुरस्कारांची घोषणा मुख्यमंत्री एकनाथ शिंदे करतील. सध्या मंत्रिमंडळ विस्ताराबाबत चर्चा सुरु आहे. मात्र तिन्ही नेते अभ्यासू आणि सर्व परिस्थितीची जाण असणारे आहेत. त्यामुळे ते योग्य तो निर्णय घेतील.
ते पुढे म्हणाले की, येत्या एक-दोन दिवसांमध्ये खातेवाटप होईल. आम्हांला काही मिळावं, यासाठी शिंदे साहेबांसोबत आमदार आले नव्हते. त्यामुळे कुणामध्येही नाराजी नाही. खातेवाटप आणि मंत्रिमंडळ विस्तार लवकरच होईल.
अजित पवारांच्या दिल्लीभेटीबद्दल सामंत म्हणाले, अजित पवार, प्रफुल्ल पटेल यांनी काल दिल्लीत अमित शाह यांची भेट घेतली. महायुतीमध्ये सहभागी झाल्यानंतर शाह यांची भेट त्यांनी घेतली नव्हती. त्यामुळे कालची भेट झाली. मात्र सध्या तथ्य नसलेल्या बातम्या समोर येत आहेत.
बच्चू कडू यांच्याबद्दल बोलतांना ते म्हणाले की, बच्चू कडू यांनी मनातील खदखद बाहेर काढली असली तरी मुख्यमंत्री त्यांच्याशी बोलले आहेत. १७ तारखेला ते पुन्हा एकदा मुख्यमंत्र्यांना भेटणार असून सविस्तर चर्चा होणार असल्याचं त्यांनी स्पष्ट केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.