मुंबई : राज्यात आज केवळ 53 कोविड बाधित रुग्ण दगावले. नागपूर आणि औरंगाबाद मंडळात आज एकही मृत्यूची नोंद झाली नाही. तर अकोला मंडळात केवळ एका मृत्यूची नोंद झाली. कोल्हापूर मंडळात सर्वाधिक 22 तर ठाणे 16, पुणे 9, नाशिक 2 तर लातूर मंडळ 3 मृत्यू नोंदवले गेले. राज्यातील मृत्यूदर 2.9 % इतका आहे.तर मृतांचा एकूण आकडा 1,31,605 वर पोहोचला आहे.

राज्यात आज दिवसभरात 4,877 नवीन रुग्णांची नोंद झाली. त्यामुळे करोना बाधित रुग्णांची एकूण संख्या 62,69,799 झाली आहे.राज्यात ऍक्टिव्ह रुग्णांची संख्या कमी होऊन 88,729 इतकी आहे. आज दिवसभरात 11,077 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या 60,46,106 इतकी आहे. यामुळे राज्यातील रुग्ण बरे होण्याचे प्रमाण 96.43 % एवढे झाले आहे.

आजपर्यंत तपासण्यात आलेल्या 4,69,95,122 प्रयोगशाळा नमुन्यांपैकी 62,69,799 (13.34 %) नमुने पॉझिटिव्ह आले आहेत. सध्या राज्यात 5,01,758 व्यक्ती होमक्वारंटाईनमध्ये आहेत तर 3,518 व्यक्ती संस्थात्मक क्वारंटाईनमध्ये आहेत.