मुंबई : मुंबईतील दिंडोशी न्यायालयाने गुडाप्पा चिन्नाटंबी देवेंद्र याला अल्पवयीन मुलीवर बलात्कार केल्याप्रकरणी फाशीची शिक्षा सुनावली आहे. त्याने एप्रिल 2019 मध्ये जुहू परिसरातील एका 9 वर्षाच्या मुलीवर बलात्कार करून तिचा मृतदेह गटारात फेकला होता. त्यानंतर दिंडोशी न्यायालयाने आरोपीला फाशीची शिक्षा सुनावली आहे.

(Death Penalty For Rape Case )

एप्रिल 2019 मध्ये 9 वर्षाच्या मुलीचे अपहरण करून तिच्यावर बलात्कार आणि हत्या करण्यात आली होती. त्यानंतर गुडाप्पा चिन्नाटंबी देवेंद्र या आरोपीला दिंडोशी न्यायालयाने फाशीची शिक्षा सुनावली आहे. पण यानंतर आरोपी उच्च न्यायालयात अपील करू शकणार आहे. याआधी दोन दिवसांपूर्वी दिंडोशी न्यायालयाने साकीनाका बलात्कार आणि हत्येप्रकरणी आरोपीला फाशीची शिक्षा सुनावली होती.

दरम्यान जुहू परिसरात एका नऊ वर्षाच्या मुलीचे अपहरण करून तिचा बलात्कार करण्यात आला होता. त्यानंतर दोन दिवस मुलगी बेपत्ता होती. तिच्या पालकांनी अपहरणाची तक्रार नोंदवली होती पण तपासादरम्यान तिचा मृतदेह आढळून आला होता. शोध सुरू असतानाच तिचा मृतदेह नेहरूनगरमधील श्रीलंका चाळीच्या शौचालयात आढळला. तिच्यावर बलात्कार झाल्याचे वैद्यकीय तपासणीत उघड झाले होते. त्यानंतर तपासात आरोपी गुडाप्पा चिन्नाटंबी देवेंद्र याला अटक करण्यात आली होती.